Exodo 12:28 - Kalin Apo Dios

²⁸ Dadat omey ikkan nan bilin ay inbagan nan apo ken da Moses ken Aaron.

Exodo 12:28 Iomraidhean Croise

Exodo 12:27

dayot kanan ken daida en, ‘Siya na nan ikkan tako isnan Fiestan di Linmaosan di Anghel ay mangdayawan tako isnan apo tay linaosana nan bab-aey tako ay Israelita id Egipto. Ninpatey isnan iyEgipto ngem egayna intapi datako ay Israelita.’ ” Nakwas pay ay dinngen nan Israelita am-in nan inbagan nan apo dadat menpalintomeng et mendayawda.

Exodo 12:29

Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Exodo 12:35

Pinatin nan Israelita san inbagan Moses et ninkedawda isnan iyEgipto is palata ya balitok ay al-alkos di awak ya nan badbadoda.

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 7:10

Dat omey da Moses ken Aaron isnan ali et ikkanda nan inbilin nan apo. Intep-an Aaron nan sokodna isnan sagang nan ali ya isnan iib-ana dat tet-ewa menbalin is oweg.

Exodo 7:6

Dat ikkan da Moses ken Aaron nan am-in ay inbilin nan apo.

Deuteronomio 34:9

Si Josue ay anak Nun et masilib isnan nangdotokan Moses isnan nang-ipatangana isnan ledengna isnan olon Josue ay mang-ipaila ay si Josue nan mangsokat ken siya. Tinongtongpal nan Israelita si Josue dadapay inikkan san bilbilin nan apo ay inbagbagan Moses.

Hebreo 11:28

Nan pammatina gedan nan gapo ay tinongpalna nan esay inbilin Apo Dios ken siya. Inpaikkana isnan alal-apo tako nan kanan tako en, ‘Nan Limaosan nan Anghel.’ Winaksiyanda nan segpan nan bab-aeyda is basan di napalti ay kalnilo tapno laosan nan anghel daida ay adi mangpatey isnan iyon-a ay an-akda.