Exodo 12:16 - Kalin Apo Dios

¹⁶ Et isnan omona ya isnan maikapito ay agew et madagop kayo ay mendayaw ken sak-en. Isnan deeyday agew et masapol ay adi kayo men-ob-obla ngem mabalin ay otowenyo nan kanenyo.

Exodo 12:16 Iomraidhean Croise

Exodo 16:23

Dat kanan Moses en, “Inbilin nan apo en obaya is wakgat et omilleng tako isnan obla tako tay nan agew ay naay et pala ken siya. Id wani otowenyo nan kaytenyo ay kaad-adon di otowenyo et nan mabay-an dakayot idolin pala is wakgat.”

Exodo 16:29

Nenemnemenyo ay sak-en ay apo nan nang-idya isnan agew ay men-illenganyo isonga isnan maikan-em ay agew et agtak dakayo is kanenyo ay pala doway agew. Isnan maikapito ay agew et wasdin di mentetee isnan baeyna ay adida komak-aan.”

Exodo 16:5

Dat isnan maikan-em ay agew et masapol ay mendobli nan kaad-adon nan olnongenda issan sigod ay insaganada.”

Exodo 20:10

Ngem men-illeng kayo isnan maikapito ay agew tay siya nan agew ay pala ken sak-en ay apo ay Diosyo. Isnan deey ay agew et adi kayo polos men-obla ay olay nan an-akyo, nan baayo, nan talakenyo wenno nan sangaili ay wada isnan teanyo.

Isaias 1:13

Adiyo dat iyali nan sanada ay maid silbina ay datonyo. Naomaak et isnan songsongda. Adyak maanosan nan men-gasgasinganyo isnan binowan ya dinomingo ya nan men-gimgimonganyo ay agin kayo dadayaw ken sak-en gapo isnan basbasolyo.

Juan 19:31

Issan agew ay deey et Biyalnis et kanan nan Judio ay lawa no taynanda nan nailansa isnan kros isnan agew di obaya tay nan kawakgatana et ngitingit di obaya isonga dat dawaten san aap-apon di Judio ken Pilato en palobosana nan sosoldado ta gopongenda nan siksikin san deeyday nailansa tasiyay epdasda matey ta kakaananda isnan krosda.