Exodo 12:13 - Kalin Apo Dios

¹³ Nan basa isnan segpan et siya nan awnit malkan nan bab-aey ay menteteanyo. No ilaek nan basa et awnitko laosan dakayo ta maid om-ommat ken dakayo no dosaek nan iyEgipto.

Exodo 12:13 Iomraidhean Croise

Exodo 12:11

Et masapol ay ikakamoyo ay mang-isda ay nakasagana kayo ay menbaat ya nakasapatos kayo ya gegen-anyo et nan sokodyo. Siya na nan awnityo ikkan isnan Fiestan di Linmaosan di Anghel ay mangnemnemanyo ken sak-en ay apo.

Exodo 12:23

tay omey nan apo ay mangsolsol isnan Egipto ay mangpatey isnan iyon-a ay an-ak di iyEgipto et no ilaena nan basa isnan mensinombangil ya ngangatowen di segpanyo danat laosan. Adina ipalobos ay songgep nan anghel ay menpatpatey isnan baeyyo ay mangpatey isnan iyon-a ay an-akyo.

Exodo 12:7

Dadat omala isnan basa et imalkada isnan mensinombangil ya isnan ngangatowen nan segpan nan bab-aey ay mangisdaanda.

1 Tesalonica 1:10

Ibagbagada abes nan mangses-eedanyo isnan kasin omaliyan nan Anakna ay magapo id daya. Et siya si Jesus ay kasin tinagon Apo Dios. Siya abes nan mangisalakan ken datako isnan dosa ay awnit omdan gapo isnan mangliligtan Apo Dios isnan am-in ay ngawi.

Hebreo 11:28

Nan pammatina gedan nan gapo ay tinongpalna nan esay inbilin Apo Dios ken siya. Inpaikkana isnan alal-apo tako nan kanan tako en, ‘Nan Limaosan nan Anghel.’ Winaksiyanda nan segpan nan bab-aeyda is basan di napalti ay kalnilo tapno laosan nan anghel daida ay adi mangpatey isnan iyon-a ay an-akda.

1 Juan 1:7

Ngem no kanayon ay ik-ikkan tako nan gawis ay kaneg nan ogalin Apo Dios et gawigawis nan kagayyem tako isnan iib-a tako ay mamati. Dapay gomawgawgawis tako tay maow-owasan nan basbasol tako gapo isnan nin-ayosan nan basan Jesus ay Anak Apo Dios isnan nateyana ay pala ken datako.