Exodo 12:12 - Kalin Apo Dios

¹² Isnan labin todi et awnitak omey ay mangsolsol isnan am-in ay ilin nan Egipto et pateyek am-in ay iyon-a ay lalaki ay anak ay ipogaw wenno talaken dakpay dadaelen am-in ay didiosen nan Egipto. Sak-en nan apo.

Exodo 12:12 Iomraidhean Croise

Salmo 135:8

Pinateyna pay nan iyon-a ay an-ak di iyEgipto ya nan anak di tatalakenda.

Salmo 82:1

Si Apo Dios nan kangatowan ay menbanag isnan madagopan nan mangipangpango isnan kaipoipogaw. Ibagana nan pangbanagna ken daida ay nadadagop.

Salmo 82:6

Naay nan kanak ken dakayo, kanak en, ‘Kaneg kayo dios am-in ay anak di Kangangatowan.’

Salmo 91:7

Maid om-ommat ken sik-a ay olay no sinlibo nan matey isnan sag-enmo ya simpooy libo isnan naliliwes.

Salmo 95:3

Tay nan apo et manakabalin ay Dios. Kapapatgan ay Ali isnan am-in ay dios.

Exodo 12:23

tay omey nan apo ay mangsolsol isnan Egipto ay mangpatey isnan iyon-a ay an-ak di iyEgipto et no ilaena nan basa isnan mensinombangil ya ngangatowen di segpanyo danat laosan. Adina ipalobos ay songgep nan anghel ay menpatpatey isnan baeyyo ay mangpatey isnan iyon-a ay an-akyo.

Exodo 6:2

Dat itoloy Apo Dios ay mangwani en, “Sak-en nan apo.

Exodo 9:6

Kawakgatana pay dat tet-ewa ikkan nan apo san kinwanina. Adoado nan natey ay talaken di iyEgipto dapay maid polos natey isnan talaken di Israelita.