Exodo 12:11 - Kalin Apo Dios

¹¹ Et masapol ay ikakamoyo ay mang-isda ay nakasagana kayo ay menbaat ya nakasapatos kayo ya gegen-anyo et nan sokodyo. Siya na nan awnityo ikkan isnan Fiestan di Linmaosan di Anghel ay mangnemnemanyo ken sak-en ay apo.

Exodo 12:11 Iomraidhean Croise

Exodo 12:13

Nan basa isnan segpan et siya nan awnit malkan nan bab-aey ay menteteanyo. No ilaek nan basa et awnitko laosan dakayo ta maid om-ommat ken dakayo no dosaek nan iyEgipto.

Exodo 12:21

Dat dagopen Moses am-in ay aamam-an di Israelita et kanana ken daida en, “Wasdin kayo pomili is anak di kalnilo wenno anak di kalding ta paltiyenyo ta menlagsakan nan pamilyayo isnan naay Fiestan di Linmaosan di Anghel.

Exodo 12:27

dayot kanan ken daida en, ‘Siya na nan ikkan tako isnan Fiestan di Linmaosan di Anghel ay mangdayawan tako isnan apo tay linaosana nan bab-aey tako ay Israelita id Egipto. Ninpatey isnan iyEgipto ngem egayna intapi datako ay Israelita.’ ” Nakwas pay ay dinngen nan Israelita am-in nan inbagan nan apo dadat menpalintomeng et mendayawda.

Exodo 12:43

Dat kanan nan apo ken da Moses ken Aaron en, “Siya dana nan maikkan isnan Fiestan di Linmaosan di Anghel. Maid makikkikan is baken Israelita isnan makan isnan naay ay fiesta.

Lucas 12:35

Intoloy Jesus ay mangwani isnan papasolotna, “Masapol ay mensagana kayo ay kaneg nan mabab-aa ay mangses-eed isnan apoda ay inmey nakibabayas. Menbabadoda ya mensisilawda ta no somaa nan apoda ya menkogkog et ikakamoda ay mangtokab isnan eneb.

Lucas 15:22

Ngem dat bogawan amana san baana, ‘Ikamoyo ta alaenyo nan kagawisan ay bado ta ipabadoyo dayot pay-an nan ledengna is singsing dayopay pasapatosen.

Lucas 2:41

Tinew-en ay omey da Jose ken Maria id Jerusalem isnan Fiestan di Linmaosan di Anghel.

Lucas 7:38

Dat menpalintomeng isnan kad-an Jesus ay men-ag-aga dat mentedted nan agana isnan sikin Jesus. Danat ponasan isnan bookna danat bisitowen danapay bokbokan is bangbanglo.

1 Corinto 5:7

Isonga kaanenyo nan ngawi ay ogali ay kaneg nan inik-ikkanyo id kasin tapno bomalo nan biyagyo tay nadalosan kayo gapo isnan mamatiyanyo. Nan gapo ay nadalosan kayo et gapo tay natey si Kristo isnan basbasol tako. Et nan nateyana nan naiyaligan nan menpalpaltiyan nan Judio is anak di kalnilo isnan mangnemnemanda isnan nanglaosan nan anghel ay adi mangpatey isnan iyon-a ay anakda.

Efeso 6:15

Nan kaneg tako sapatos ay mangipagawis isnan mendad-aanan tako et nan manglaydan tako ay mangibaga isnan gawis ay damag.

Josue 5:10

Dat issan sedem di maikasimpoo et epat ay agew di bowan ay inmap-apaan nan Israelita id Gilgal isnan sag-en di Jerico et ninlagsakda ay mangnemnem isnan Fiestan di Linmaosan di Anghel.

1 Pedro 1:13

Isonga gapo isnan gawis ay badang Apo Dios ken dakayo et isaganayo nan nemnemyo ta nan kayatna nan ikkanyo. Ten-enyo nan am-in ay ik-ikkanyo ta gawis. Ipasnekyo ay gawis isnan nemnemyo nan namnamaenyo ay ited Apo Dios ken dakayo isnan kasin omaliyan Jesu Kristo.