Exodo 11:8 - Kalin Apo Dios

⁸ Dat itoloy Moses ay mangwani isnan ali en, “Awnit omali nan oopisyalismo ay menpalintomeng ken sak-en ay menpakaasi ta ikaanko am-in nan naayday Israelita dakamit komaan.” Dat pilmi nan liget Moses ay nangtayan issan ali.

Exodo 11:8 Iomraidhean Croise

Salmo 6:1

apo, adika kad mangsagsagiit isnan ligetmo. Adika kad mangdosdosa gapo is ligetmo.

Exodo 10:29

Dat kanan Moses en, “Ala wen, adiyak et kasin menpapaila ken sik-a.”

Marcos 3:5

Dat mainge si Jesus isnan nang-il-ana ay maid somongbat ken daida tay ikekedseda ngem seg-angana met laeng daida. Danat kanan isnan nabingoy, “Oyadem nan ledengmo.” Inoyadna dat maoyad tet-ewa tay naagasan et.

Deuteronomio 32:24

Awnitda matey is owat ya pilmi ay poos di awakda. Isnan kaeegyat ay sakit et mateyda. Omipaeyak is atap ay mangsape ken daida ya menkedet ay oweg ay mangketeb ken daida.

Hebreo 11:27

Gapo isnan pammatina et tinaynana id Egipto ya maid egyatna isnan liget nan ali ken siya isnan nang-ikkanana isdi. Maid polos sokat nan pammatina tay kegna inila si Apo Dios ay adi kaila.

Naipagtek 3:9

Dengngenyo gedan nan naay. Nan ipogaw issa ay mangmangwani en ipogaw Apo Dios daida gapo tay Judioda et awnitak piliten daida ay omeyda ay menpalintomeng ken dakayo tasiyay getkenda ay dakayo nan laylaydek. Tay nan tet-ewa et ipogaw Satanas daida ay menkamkampot.