Exodo 11:7 - Kalin Apo Dios

⁷ Ngem isnan Israelita et awnit maid olay aso is manggonggong ken daida wenno isnan talakenda. Et awnit siya nan manggetkanyo ay sak-en ay apo et initkenko nan Israelita isnan iyEgipto.’ Siya na nan kinwanin nan apo.”

Exodo 11:7 Iomraidhean Croise

Salmo 7:12

No adida ibabawi nan ik-ikkanda et paliden Apo Dios nan ispadana danat isagana nan panana.

Exodo 10:23

Et egay nin-asiil-ila nan iyEgipto ya egayda binmalbala isnan bab-aeyda issan tolo ay agew ay binmolingetana ngem isnan tean nan Israelita et menpat-a.

Exodo 7:22

Ngem inikkan abes san deeyday mensalsalamangka isonga dat am-amed inpakedsen san ali nan nemnemna et egayna pinati da Moses ken Aaron ay kaneg san kinwanin nan apo.

Exodo 8:19

isonga dat kanan nan deeyday mensalsalamangka isnan ali en, “Tet-ewa ay si Apo Dios nan nang-ikkan isna.” Ngem inpakekedsen kayet san ali nan nemnemna et egayna kayet pinati da Moses ken Aaron ay kaneg din kinwanin Apo Dios.

Exodo 8:22

Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Exodo 9:26

Et kedeng id Gosen ay kad-an di Israelita is egay nindalalo.

Exodo 9:4

Ngem awnitak iitken nan talaken nan Israelita isnan talaken nan iyEgipto ta maid matmatey ay talaken di Israelita.

Malakias 3:18

Et awnityo kasin ilaen nan nateknan di ommat isnan nalinteg isnan ngawi ya nan mangsilbi ken sak-en isnan adi mangsilbi.”

1 Corinto 4:7

Dakayo ay men-et-etek, olay no waday laingyo, ay baken si Apo Dios is nang-ited is dadi? Ayke aped wada ken dakayo? Isonga no maited ken dakayo aytay dakayon men-et-etek ay kaneg dakayo nan nangsapo isnan laingyo?