Exodo 11:4 - Kalin Apo Dios

⁴ Ngem esapay komaan si Moses isnan sagang san ali et kinwanina ken siya en, “Siya na nan kanan nan apo, ‘Is tengan di labi et solsolek nan ili ay Egipto.

Exodo 11:4 Iomraidhean Croise

Salmo 60:10

Ay baken kad sik-a ay mang-adyan ken dakami ya mang-adi ay makkey isnan sosoldadomi?

Salmo 81:5

Owen, inbilina ken daida ay Israelita ay ap-on din si Jose ta mangnemnemnemanda isdin nangdosaana isnan iyEgipto. Et dinngen nan Israelita id isdi nan adida maawatan ay kali.

Exodo 12:12

Isnan labin todi et awnitak omey ay mangsolsol isnan am-in ay ilin nan Egipto et pateyek am-in ay iyon-a ay lalaki ay anak ay ipogaw wenno talaken dakpay dadaelen am-in ay didiosen nan Egipto. Sak-en nan apo.

Exodo 12:23

tay omey nan apo ay mangsolsol isnan Egipto ay mangpatey isnan iyon-a ay an-ak di iyEgipto et no ilaena nan basa isnan mensinombangil ya ngangatowen di segpanyo danat laosan. Adina ipalobos ay songgep nan anghel ay menpatpatey isnan baeyyo ay mangpatey isnan iyon-a ay an-akyo.

Exodo 12:29

Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Mateo 25:6

Tengan di labi esapay wada nan menbogaw ay mangwani en, ‘Naay omali nan makiasawa. Omaliyo sab-aten.’