Exodo 11:3 - Kalin Apo Dios

³ Et inpapangaton nan apo nan Israelita isnan nemnem di iyEgipto isonga inidyan nan iyEgipto nan dinawatda. Kinatet-ewana et inbilang nan oopisyalis ya ipogaw di Egipto si Moses ay napateg.

Exodo 11:3 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 39:21

Ngem nan apo et tatakdowena kayet si Jose isonga laylayden nan mangbanbantay isnan balod siya.

2 Samuel 7:9

ya tinatakdok sik-a isnan am-in ay inmay-ayam dakpay pinangabak sik-a isnan mang-ap-apos ken sik-a. Pabalinek sik-a ay kapatgan ay kaneg nan kapatgan ay aap-apo isnan batawa.

Salmo 106:46

Pinaseg-angan nan apo daida isnan nang-ibalod ken daida.

Exodo 12:35

Pinatin nan Israelita san inbagan Moses et ninkedawda isnan iyEgipto is palata ya balitok ay al-alkos di awak ya nan badbadoda.

Exodo 12:36

Inpapangaton nan apo nan Israelita isnan nemnem di iyEgipto et pinatida daida. Inidyada nan dinawdawat nan Israelita et siya na nan inkakanda ay nangikaan isnan kokwan di iyEgipto.

Exodo 3:21

Esak ipapangato nan ipogawko isnan nemnem di iyEgipto tapno no komaan kayo et wada nan ikakawityo.

Aapostolis 7:22

Et naisolowan si Moses isnan am-in ay adal nan iyEgipto et nalailaing ay mangmangwani isnan kankanana ya mang-ik-ikkan isnan ik-ikkana.

Deuteronomio 34:10

Ngem engganas di et maid mamadto isnan Israelita is makakaneg ken Moses ay nakikalkali isnan apo.

Deuteronomio 34:11

Maid polos mamadto is makaikkan isnan kaskasdaaw ay kaneg san inpaik-ikkan nan apo ken Moses isnan alin di Egipto, nan oopisyalisna ya isnan am-in ay iyEgipto.

Naipagtek 3:9

Dengngenyo gedan nan naay. Nan ipogaw issa ay mangmangwani en ipogaw Apo Dios daida gapo tay Judioda et awnitak piliten daida ay omeyda ay menpalintomeng ken dakayo tasiyay getkenda ay dakayo nan laylaydek. Tay nan tet-ewa et ipogaw Satanas daida ay menkamkampot.