Exodo 11:2 - Kalin Apo Dios

² Id wani, kakalim nan Israelita ta ibagam en menkedawda isnan sagsagogongda ay iyEgipto is palata ya balitok ay al-alkos di awak.”

Exodo 11:2 Iomraidhean Croise

Salmo 105:37

Danat ibala nan Israelita et inkakawitda nan palata ya balitok di iyEgipto. Isnan kinmaananda et gawis ya napigsada am-in.

Salmo 24:1

Nan batawa ya nan am-in ay wada isna et kowan nan apo. Owen, nan daga ya nan am-in ay mentetee is dana et kowana gedan.

Exodo 3:21

Esak ipapangato nan ipogawko isnan nemnem di iyEgipto tapno no komaan kayo et wada nan ikakawityo.

Exodo 3:22

Et awnit omey nan wasdin bababain di Israelita isnan sagogongda ay iyEgipto ya isnan kompolni ay babai ay iyEgipto ay makibabaey ken daida ta menkedawda ken daida is badbado ya nan al-alkos di awak ay balitok ya palata. Ipaosalyo dana isnan an-akyo et siya na nan ikkanyo ay mangikawit isnan kokwan di iyEgipto.”

Exodo 32:24

Daket ibaga isnan wada nan balitok ay alitosda ta iyalida ken sak-en. Daket lonagen san alitosda et siya nan naay ay sinangbaka nan ninbalinana.”

Mateo 20:15

Ay maid kalintegak ay mang-ikkan isnan kayatko isnan sipingko? Ay mensakit nan nemnemmo tay manag-itedak?’”