Exodo 11:1 - Kalin Apo Dios

¹ Dat kanan nan apo ken Moses en, “Esang pay ay dosa nan ikkak isnan alin di Egipto ya nan ipogawna. No malpas na et awnit palobosana dakayo ay komaan. Kinatet-ewana et awnit palayawena dakayo am-in.

Exodo 11:1 Iomraidhean Croise

Genesis 15:14

Ngem awnitko dosaen nan mangpaligat isnan ap-om et gapo isnan madosaanda et awnitda ipalobos nan ap-om ay komaan isdi ya awnit adoado nan kinabaknang ay ikaanda.

Exodo 12:29

Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Exodo 3:20

ngem awnitak osalen nan panakabalinko ay mang-ikkan is kaeegyat ay mangdosa isnan iyEgipto. No makwas dadi et awnit palobosan nan ali dakayo ay komaan id Egipto.

Exodo 6:1

Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.”

Exodo 9:14

Tay id wani et am-amedko dosaen sik-a, nan oopisyalismo ya nan ipogawmo ta manggetkanyo ay maid polos kanegko isnan batawa.

Deuteronomio 4:34

Ay waday teken is dios is nang-ikaan isnan kaipoipogaw ay itoltolayan di teken ay ili ay kaneg nan inikkan nan apo ay Diosyo id Egipto? Inilayo met nan nangpaligatana ken daida isnan nang-ikkanana isnan kaskasdaaw, kaeegyat ya nan nanggobatana ken daida gapo isnan panakabalina.

Naipagtek 16:9

Maatoatonganda isonga dadat menkalkali is ngawi ken Apo Dios ay nagapowan nan naayday ligat. Ngem adida kayet ibabawi nan basbasolda ta siya nan dayawenda koma isnan panakabalina.