Exodo 10:9 - Kalin Apo Dios

⁹ Dat kanan Moses en, “Omey kami am-in. Ikawitmi nan an-akmi, nan kalnilo ya kaldingmi ya nan bakbakami tay masapol ay menlagsak kami ay mangdayaw isnan apo.”

Exodo 10:9 Iomraidhean Croise

Exodo 10:10

Dat kanan san ali en, “Adiyak kitdi ipalobos ay ipakkeyyo nan bababai ya an-akyo. Mamagtek ay wada nan teken ay nemnemnemenyo.

Exodo 10:26

Isonga masapol ay ikawitmi nan talakenmi et maid polos olay esa is mabay-an tay masapol ay piliyenmi isnan talakenmi nan osalenmi ay mangdayaw isnan apo ay Diosmi. Adimi pay laeng getken no ngan nan osalenmi ay idaton isnan mangdayawanmi isnan apo enggana ay sokod kami omdan id isdi.”

Exodo 12:32

Alaenyo nan kalniloyo, nan kaldingyo ya bakayo ta komaan kayo et. Dayot ilowalowan abes sak-en.”

Exodo 12:37

Dat menlobwat nan Israelita ay komaan id Egipto et mendad-aanda menlogi id Rameses ay sakop di Gosen et menpaeyda id Succot. Waay enem gasot ay libo ay lalaki nan kabibilangda ay egay naibilang nan bababai ya nan oongong-a.

Exodo 12:38

Ado pay ay baken Israelita nan nakkey ken daida ya naitapi gedan nan ado ay kalnilo, kalding ya bakbaka.

Exodo 3:18

Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’

Exodo 5:1

Dat omey da Moses ken Aaron isnan alin di Egipto et kananda ken siya en, “Kinwanin nan apo ay Dios di Israel en, ‘Palobosam nan ipogawko ay omey isnan pondag ta menlagsakda isdi ay mangdayaw ken sak-en.’ ”

Exodo 5:3

Dat kanan da Moses ken Aaron en, “Ninpaila nan Dios di Hebreo ken dakami. Pangaasim ta palobosam dakami ay menbaat is tolo ay agew isnan pondag tay enkami menpalti is igasingmi isnan apo ay Diosmi. No adi kami omey et baka pateyena dakami is sakit wenno gobat.”

Efeso 6:4

Dakayo pay ay am-a ya in-a et adiyo paligligten nan an-akyo nodi itdoyo nan gawis ay layden Jesu Kristo ya bagbagaanyo daida tasiyay gawis nan ik-ikkanda.

Josue 24:15

No adiyo kayten ay mensilbi isnan apo et menpili kayo id wani no sino nan silbiyanyo. Ay silbiyanyo nan sinangdidios ay dinaydayaw din alal-apoyo isdin kawad-anda id Mesopotamia wenno nan dios di Amorreos ay akindaga isnan Canaan ay menteteanyo id wani. Ngem sak-en pay ya nan pamilyak et nan apo nan mensilbiyanmi.”