Exodo 10:7 - Kalin Apo Dios

⁷ Dat kanan nan oopisyalis isnan ali en, “Ay tongona pay di somaldengan nan deey am-ama ay mangpaligaligat ken datako? Palobosam et od daida ay lalalaki ta omeyda mendayaw isnan apo ay Diosda. Ay adim ilan ay naay maengew nan ili tako?”

Exodo 10:7 Iomraidhean Croise

Salmo 107:34

Pabalinena ay mensidek nan maloweb ay lota gapo isnan kinangawin nan mentetee isdi.

Exodo 12:33

Dat ipapatin nan iyEgipto ta ikakamon nan Israelita ay komaan isnan ilida tay kananda en, “Awnit matey kami am-in no adi kayo komaan.”

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Exodo 8:19

isonga dat kanan nan deeyday mensalsalamangka isnan ali en, “Tet-ewa ay si Apo Dios nan nang-ikkan isna.” Ngem inpakekedsen kayet san ali nan nemnemna et egayna kayet pinati da Moses ken Aaron ay kaneg din kinwanin Apo Dios.

Isaias 51:9

Magidoka apo ta badangam kad dakami. Osalem nan panakabalinmo ta isalakanmo dakami ay kaneg san inik-ikkam id kasikasin, tay inabakmo nan iyEgipto

Sofonias 1:18

Isnan agew ay mangipailaan nan apo isnan ligetna et awnit adi maisalakan nan pilak ya balitokda daida ay managbasol. Tay awnit madadael nan batawa isnan mensessese ay ligetna. Owen, awnit golpi nan mangkewasana isnan am-in ay mentetee isnan batawa.

1 Corinto 7:35

Inbagak nan kinwanik tapno mabadangan kayo. Adiyak iyadi nan makiasawaanyo. Ngem inbagak tapno ostoosto nan ik-ikkanyo ya tapno adi kayo maisiyan isnan layadyo ay mang-ikkan isnan ipaik-ikkan Apo Jesus.