Exodo 10:6 - Kalin Apo Dios

⁶ Awnit ponowenda nan baeymo ya nan am-in ay bab-aey nan iib-am ya nan ipogawmo et maid kankanegna is inil-ilan din alal-apoyo id sangadom.” Nakwas ay kinwanin Moses di dat komaan.

Exodo 10:6 Iomraidhean Croise

Exodo 10:11

Dakayo et kedeng ay lalalaki nan omey ay mendayaw isnan apo mo siya di nan omeyyo dalon ikkan.” Nakwas ay kinwanin san ali na danat palayawen da Moses ken Aaron isnan kad-ana.

Exodo 11:6

Et awnit madnge isnan ili ay Egipto nan napigsa ay agan di iyEgipto ay egay polos kadkadnge enggana id kasin ya awnit adi kasin madmadnge.

Exodo 11:8

Dat itoloy Moses ay mangwani isnan ali en, “Awnit omali nan oopisyalismo ay menpalintomeng ken sak-en ay menpakaasi ta ikaanko am-in nan naayday Israelita dakamit komaan.” Dat pilmi nan liget Moses ay nangtayan issan ali.

Exodo 8:21

No adim palobosan daida et awnit ipaalik ken dakayo am-in nan kangilangilaw. Awnit mapno is ngilaw nan bab-aeyyo ya ap-apanda nan daga ay menteteanyo.

Exodo 8:3

Ponowena nan ginawang ay Nile is tokak isonga komaanda isnan ginawang et omeyda isnan baeymo, isnan pagseypam, isnan bab-aey nan iib-am ya ipogawmo ya olay isnan pag-otowan ya isnan kakandiloyo.

Exodo 9:18

Isonga is wakgat isnan kegtona ay olas et awnitak men-ipaodan is pilmi ay dalalo ay egay inom-ommat id kasin ay enggana ay nawada nan ili ay Egipto.

Exodo 9:24

Dadadadakke ay dalalo nan naekdag dapay maitatapi nan men-oonod ay kimat. Siya na nan kapipigsaan ay nin-odanana is dalalo id Egipto enggana isdin ninbalinana is ili.

Joel 2:2

Awnit menbolinget ya kasasadot nan deey ay agew tay pilmi ay menliliboo et bomobolinget. Omal-ali nan adoado ay dodon et pabolingetena nan bilbilig. Maid kankanegna id kasin ya awnit maid kankanegna kasin.

Hebreo 11:27

Gapo isnan pammatina et tinaynana id Egipto ya maid egyatna isnan liget nan ali ken siya isnan nang-ikkanana isdi. Maid polos sokat nan pammatina tay kegna inila si Apo Dios ay adi kaila.