Exodo 1:7 - Kalin Apo Dios

⁷ Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.

Exodo 1:7 Iomraidhean Croise

Genesis 1:20

Dat kanan Apo Dios, “Mawada kayo ay nateketeken ay matagtago isnan danom ya mawada kayo ay koyat id ngato.”

Genesis 1:28

Danat bindisyonan daida ay mangwani, “Maganak kayo tasiyay omad-ado nan ap-oyo ta maiwakatda isnan batawa ta menkowada. Dakayo ay ipogaw nan men-apo isnan ikan isnan baybay, isnan koykoyat ya isnan am-in ay matagtago isnan batawa.

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 13:16

Awnitak agtan sik-a is adoadoado ay apo et maiwed makabilang ken daida am-in nodi nalaklaka ay mabilang nan lagan isnan batawa no daida.

Genesis 15:5

Danat ibaga en bomala si Abram danat kanan, “Tangadem pod id daya dakat padasen ay mangbilang isnan talaw tay awnit kaneg todi nan kaad-adon nan ap-om.”

Genesis 17:16

Bindisyonak siya tay awnitak agtan siya is anakyo is lalaki. Awnit siya nan inan nan kaipoipogaw isnan kailiili et awnit wadada nan ap-ona ay menbalin is ali.”

Genesis 22:17

Isapatak ay agtak sik-a is adoado ay apo ay kaneg nan kaad-adon nan talaw id daya wenno nan lagan isnan benget di baybay. Nan ap-om et awnitda abaken nan mangbosboso ken daida.

Genesis 28:14

Awnit omadoado nan ap-om ay kaneg nan kaad-adon nan tapok isnan batawa. Awnit iliyanda na ya nan naliliwes ya awnit pagawisen nan apo nan am-in ay il-ili gapo ken sik-a ya nan aap-om.

Genesis 9:1

Binindisyonan Apo Dios si Noe ya nan an-akna ay mangwani en, “Maganak kayo tasiyay nan ap-oyo et maiwakatda ay mentee isnan batawa.

Salmo 105:24

Pinaadon nan apo nan ipogawna danat pinapigpigsa daida mo nan mang-ap-apos ken daida.

Salmo 107:38

Et isnan bindisyona et omadoadoda ya maid makolkolang isnan bakbakada.

Exodo 1:12

Ngem isnan am-amed mangpalpaligatan nan iyEgipto isnan Israelita et am-amedda inmad-ado dadapay dat maiwakat id Egipto isonga inmegyat nan iyEgipto ken daida.

Exodo 12:37

Dat menlobwat nan Israelita ay komaan id Egipto et mendad-aanda menlogi id Rameses ay sakop di Gosen et menpaeyda id Succot. Waay enem gasot ay libo ay lalaki nan kabibilangda ay egay naibilang nan bababai ya nan oongong-a.

Exodo 5:5

Gapo tay inmadoado kayo mo dakami ay iyEgipto dat id wani et kaytenyo ay mensaldeng isnan oblayo.”

Aapostolis 13:17

Nan daydayawen tako ay Judio et si Apo Dios. Siya nan nangpili isdin alal-apo tako ay an-ak din si Israel. Et siya gedan nan nangipaad-ado ken daida isdin ninteteanda id Egipto. Siya abes nan nangipaila isnan pigsana ay nangipango ken daida ay komaan id isdi.

Deuteronomio 10:22

Isdin inmayan nan alal-apoyo id Egipto et pitompooda et kedeng. Ngem id wani et pinaadon nan apo ay Diosyo dakayo engganay inmadoado kayo ay kaneg nan kaad-adon di talaw id daya.”

Deuteronomio 26:5

Dakayot kanan isnan apo ay Diosyo en, ‘Ninbabbab-aat din alapok ay esay Arameo tay maid osto is ilina isonga dat omey id Egipto ay nanakkey nan pamilyana. Atiatikda isdin inmayanda isdi ngem dadat omadoado et enggana ay ninbalinda ay esay napigsa ay sinpangili.