Exodo 1:12 - Kalin Apo Dios

¹² Ngem isnan am-amed mangpalpaligatan nan iyEgipto isnan Israelita et am-amedda inmad-ado dadapay dat maiwakat id Egipto isonga inmegyat nan iyEgipto ken daida.

Exodo 1:12 Iomraidhean Croise

Salmo 105:24

Pinaadon nan apo nan ipogawna danat pinapigpigsa daida mo nan mang-ap-apos ken daida.

Salmo 107:38

Et isnan bindisyona et omadoadoda ya maid makolkolang isnan bakbakada.

Exodo 1:20

Dat gapo tay mendaydayaw ken Apo Dios san dowa ay menpaan-anak et binindisyonana daida et omad-adoda abes dapay omad-ad-ado ya pomigpigpigsa nan Israelita.

Exodo 1:7

Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.

Exodo 1:9

Dat kanan nan ali isnan ipogawna ay iyEgipto en, “Ilaenyo tay nan kinaadon nan Israelita et siya nan kinapigsada et kaeegyat ken datako.

Juan 12:19

Ngem nan Fariseo et nin-asikwanida kayet en, “Ilaenyo, maid maikkan tako tay omon-on-onod ken siya nan am-in ay ipogaw isnan batawa.”

Roma 8:28

Datako ay manglaylayad ken Apo Dios ay inayagana gapo isnan gandatna et getken tako ay am-in nan om-ommat ken datako et menbalinena ay masilbi ken datako.

Deuteronomio 26:5

Dakayot kanan isnan apo ay Diosyo en, ‘Ninbabbab-aat din alapok ay esay Arameo tay maid osto is ilina isonga dat omey id Egipto ay nanakkey nan pamilyana. Atiatikda isdin inmayanda isdi ngem dadat omadoado et enggana ay ninbalinda ay esay napigsa ay sinpangili.