Exodo 1:11 - Kalin Apo Dios

¹¹ Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.

Exodo 1:11 Iomraidhean Croise

Genesis 15:13

Dat kanan nan apo, “Nan ap-om et awnitda omey isnan addaaddawi ay ili et mabab-aada ya mapalpaligatda is epat gasot ay tew-en.

Salmo 105:13

et nin-atoatonda isnan natkenatken ay il-ili.

Salmo 129:1

Kanan koma nan Israelita en, “Dadama nan mangpalpaligatan nan mang-ap-apos ken dakami enggana isdin kaong-ongami.

Salmo 129:2

Owen, dadama nan nangpalpaligatanda ken dakami enggana isdin kaong-ongami ngem egayda nakaabak ken dakami.

Salmo 68:13

Olay no isnan kad-an di kalnilo nan naseyepanda isdin gobat ngem menkimkimatda isnan inalada ay balitok ya pilak ay al-altin di awak ay kaneg nan mensilsilengan nan payak di koyat.

Salmo 81:6

Kinwanin Apo Dios en, “Kinaanko nan mendagsen ay binoboliganyo et nawayaan kayo isnan inaawityo ay mendagsen.

Exodo 2:11

Nallos nan ado ay tew-en et nasiken et si Moses. Isnan naminsan ay agew ay inmey isnan kad-an nan iib-ana ay Hebreo et nailana nan mangpalpaligatan nan iyEgipto ken daida ay men-obla is mendagsen ya inilana pay nan mangsogsogtowan nan esay iyEgipto isnan esay kailyana ay Hebreo.

Exodo 3:7

Dat kasin kanan Apo Dios en, “Inilak nan dadama ay mapalpaligatan nan ipogawko id Egipto. Dinngek nan dawatda ay mensegseg-ang ta mabadanganda. Gintekko am-in nan ligatda.

Exodo 5:10

Dat bomala san palamanmandal ya nan kakapatas et kananda isnan Israelita en, “Kinwanin nan ali en adina et kano agtan dakayo is gomang.

Exodo 5:15

Dat omey nan kakapatas ay Israelita issan ali et menlilida ay mangwani en, “Apo, ayta dakan amed palpaligatan dakami?

Exodo 5:8

Ngem masapol ay paliso kayet nan bilang nan sapowenda issan sigod ay sinapsapoda. Masapol ay maid kolangna is olay esa. Sadotda isonga menpakpakaasida ken sak-en ay mangwani en, ‘Palobosam kad dakami ta omey kami men-idaton ken Apo Dios.’

Deuteronomio 26:6

Ngem dat pinabalin nan iyEgipto dakami ay baada dadapay paligaten ay nangpaobla ken dakami is mendagsen.