Eclesiastes 3:11 - Kalin Apo Dios

¹¹ Intedna nan osto ay timpon di wasdin esay banag. Inidyana ken datako nan manglaydan tako ay manggetek isnan awnit ommat ngem adi tako polos maawatan nan osto ay panggepna isnan ik-ikkana.

Eclesiastes 3:11 Iomraidhean Croise

Genesis 1:31

Inilan Apo Dios nan am-in ay binoliwna et ostoosto dat men-galalasing. Nakwas nan sinlabiyan dat mawakgat et siya di nan maikan-em ay agew.

Salmo 104:24

Apo, adi kabilang nan binoliwmo. Binoliwmo am-in daida isnan silibmo et mapno nan batawa isnan binoliwmo.

Mateo 11:27

Nakalowalo si Jesus danat kanan isnan papasolotna en, “Inyalin Ama nan am-in ay wada ken sak-en. Maid ipogaw is mangtek isnan am-in ay maipanggep ken sak-en nodi kedeng si Ama ya maid gedan mangtek isnan am-in ken Ama nodi kedengak ay Anakna ya nan pinilik ay mangipagtek isnan maipanggep ken siya.”

Mateo 13:22

Nan ginsatan ay sibit et kanegna nan mangdenge isnan kalin Apo Dios ngem makolkol nan nemnemna tay wedweda nan bomaknangana ya men-gasgasingana is nenemnemena isonga adi bomgas tay nasolin nan kalin Apo Dios et kalingkingana.

Marcos 7:37

Nasdanasdaaw san nangdedenge dadat kanan, “Ay-ay. Gawigawis am-in nan ik-ikkana. Olay nan natoweng et makadngeda ya nan omel et makakalida.”

Roma 1:28

Gapo tay adida paayen nan tet-ewa ay maipanggep ken Apo Dios isonga binaybay-an Apo Dios daida ay mennemnemnem is baken osto ya maid kapaayana. Isonga ik-ikkanda nan baken gawis ay maikkan.

Roma 11:33

Pilmi ay dadama nan gawigawis ay ik-ikkan Apo Dios ken datako. Nan getkena ya nan laingna ay mennemnem et maid kais-isona. Maid ipogaw is makaawat ay ostoosto isnan ninemnemna ya isnan ikkana ay mangipatongpal isnan ninemnemna.

Deuteronomio 32:4

Siya nan apo ay kapigsaan ay bomadbadang tay nalinteg ya maid kadelawan nan ik-ikkana. Nan Diosyo et matalek ya maid kampotna tay ostoosto siya ya maid pakaam-amdena.