Daniel 7:9 - Kalin Apo Dios

⁹ “Isnan menboyboyaak daet maiyolnos nan katokdotokdowan di ali dat tomokdo nan natatago ay enggana ay nan manakabalin ay Dios isnan tokdowana ta men-okom. Nan badona et mapolapolaw ay kaneg nan kapolawan ay kapes ya mapolapolaw gedan nan bookna. Kaneg menbidbidang nan napipilidan ay tokdowana dapay menbegbegang nan pilidna.

Daniel 7:9 Iomraidhean Croise

Salmo 45:8

Menbango nan badbadom is songsong di mica, aloe ya kasia ya wada nan menkotengteng ay mangpagasing ken sik-a isnan naaltiyan ay baeymo ay ali.

Salmo 90:2

Esapay maboliw nan bilbilig wenno nan nangboliwam isnan batawa et nawawadaka et ay Dios ay maid logina ya maid kombosna.

Salmo 93:2

Menkeneg nan mentolayana menlogi isdin damo ya wawawawada siya.

Isaias 6:1

Isdin tew-en ay nateyan nan ali ay si Uzzias et naipaila ken sak-en nan apo ay tinmotokdo isnan tokdowan di ali isnan Templo ay aap-apan nan kagayna nan Templo. Nangato siya ya madaydayaw.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Ezekiel 1:26

Isnan ngangatowenda id daya et wada nan kaneg tokdowan di ali ay nasapo isnan nangina ay bato ay makwani en safiro. Dat issan deey tokdowan di ali et wada nan kaneg ipogaw ay tomotokdo.

Daniel 7:13

Dat issan labi et wada pay nan inilak ay kaneg ipogaw ay somagsag-en ay naitatapi isnan liboo et omey issan kad-an san natatago ay enggana ta maipalang.

Mikias 5:2

Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

Habakuk 1:12

Dat kasin kanan Habakuk en, “apo, menlogi isdin damo et sik-a nan Dios. Sik-a nan Diosko ay maid polos kangawina ya maid patenggana ay mangsalsalaknib ken sak-en. Pinilim dakat papigsaen nan iBabilonia ta daida nan mangdosa ken dakami.

Mateo 17:2

Dat tomeken nan mangiilaanda ken Jesus id isdi tay mensilsilang nan angasna ay kaneg nan agew ya pinmolapolaw nan badona ay kaneg silang di silaw.

Mateo 28:3

Mensilsilang nan angasna ya mapomapolaw nan badona.

Marcos 9:3

et pinmolapolaw ay sinmilang nan badona ay maid is-isona isnan batawa

Aapostolis 2:30

Ngem gapo tay mamadton Apo Dios din si David isonga gintekna ay awnit tongpalen Apo Dios nan insapatana ay awnit wada nan bomala ay apona ay mangsokat ken siya ay men-ali et si Kristo.

Aapostolis 2:33

Ngem id wani wada si Jesus id daya isnan makanawan Apo Dios ay Amana ay kad-an di madaydayaw. Et intedna ken Jesus nan epdasna inkali ken siya et siya nan Ispiritona ay inpaalina ken dakami. Isonga dinngeyo ya inilayo nan menkalkaliyanmi isnan nateketeken ay kali.

Filipos 3:9

tapno maitatapiyak ken siya. Baken nan gawis ay ikkak ay mangtongpal isnan linteg di gapo ay maibilangak ay gawis nodi isnan pammatik ken Jesu Kristo. Tay si Apo Dios nan kagapowan nan kinagawis nan mamati ken siya et gawis nan pangiilaana ken daida gapo isnan pammatida.

1 Timoteo 6:16

Kedkedeng siya is adi mabalin ay matey. Nan kad-ana et menpalalat-a ay adi mabalin ay sag-enen di ipogaw. Maid ipogaw is nang-il-ila ken siya tay adi kaila. Sapay koma ta siya nan madaydayaw ya mentoltolay ay eng-enggana. Et matongpal koma.

1 Juan 1:5

Siya na nan dindinngemi ay maipanggep ken Apo Dios ay insolsolon Jesus ay ibagbagami ken dakayo. Si Apo Dios et kanegna nan menpalalat-a ay silaw ay maid polos menbolinget is naitapi. Kanak di tay maid polos olay teeteen is ngawi ken siya.

Naipagtek 1:14

Nan bookna et mapolapolaw ay kaneg nan kapolawan ay kapes. Et menkililimat nan matana ay kaneg apoy.

Naipagtek 19:18

Akayo ta isdayo nan aw-awak di mentotolay ya nan sosoldado ya nan aap-apoda. Dakayot isda gedan nan awak di kakabayo ya nan mensasakay. Omali kayo ta isdayo nan awak nan am-in ay ipogaw ay nang-adi ken Apo Dios ay nangato ya nan nababa, nan baa ya nan baken baa.”

Naipagtek 20:4

Nakwas di daket ilaen ay wada nan kasitotokdo isnan tokdowan di ali et naagtanda abes is kalebbengan ay menbanag. Daida nan napatpatey gapo isnan nangipagpagtekanda isnan maipanggep ken Jesus ya nan kalin Apo Dios. Inadyanda ay mangdayaw issan kaeegyat ay nang-ap-apos ken Apo Dios ya san tinagtago ay kanegna ya egayda gedan inpamalka nan kitongda ya ledengda isnan malkana. Natagoda kasin et makitolayda ken Kristo is esay libo ay tew-en.

Naipagtek 4:2

Dat makanapet nan Ispiriton Apo Dios ken sak-en daket wada id daya. Daket ilan isdi nan tokdowan di ali ay wada nan tomotokdo.