Daniel 7:1 - Kalin Apo Dios

¹ Isnan omona ay tew-en ay nintotolayan din si Belsazar id Babilonia dat ipaiitaw Apo Dios si Daniel isnan esay labi ay mangipagtek ken siya isnan naayda. Insolatna nan iniitawna et siya dana.

Daniel 7:1 Iomraidhean Croise

Genesis 15:1

Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

Jeremias 23:28

Nan mamadto ay aped nin-iitaw et masapol ay ibagana ay aped iitaw. Dat abes nan mamadto ay nangdenge isnan inpagtekko et masapol ay kedeng nan ipagtekko is ibagana. Teken nan aped iitaw di mamadto isnan inpagtekko

Daniel 7:13

Dat issan labi et wada pay nan inilak ay kaneg ipogaw ay somagsag-en ay naitatapi isnan liboo et omey issan kad-an san natatago ay enggana ta maipalang.

Joel 2:28

Makwas pay di daket ibokbok nan ispilitok ken dakayo am-in. Et awnit ipagtek nan an-akyo ay lalalaki ya bababai nan kalik. Nan aamam-ayo et awnitda iitawen nan gawis ay ommat ya nan bababalloyo et wada nan ipailak ken daida.

Amos 3:7

Sak-en ay kangatowan ay Apo et adiyak aped ik-ikkan nan ikkak no adiyak ipagtek on-ona isnan baak ya mamadtok dapay inpagtekko et.

Habakuk 2:2

Naay nan kinwanin nan apo ken sak-en, ‘Isolatmo ay osto isnan nadadampig ay bato nan kanak tapno nalaka ay mabasa.

Roma 15:4

Nan kaneg todi ay naisolat ya nan am-in ay tapina ay naisolat id kasikasin et inpasolat Apo Dios tapno maisolowan tako tapno mabalin ay anosan tako nan ligat ya maliwliwaliwan tako tapno adi makak-aan ken datako nan gawigawis ay namnamaen tako.

2 Corinto 12:1

Naayda pay di ibagak. Kaneg nan kinwanik en adiyak layden ay mang-it-ek isnan awakko ngem kapilitan ay ikkak ay olay adi kapaay. Isonga ibagak nan tapina ay inommat ken sak-en ay maipanggep isnan inpailan Apo Jesus ken sak-en.

Naipagtek 1:19

Isonga isolatmo nan am-in ay ipailak ken sik-a ay om-ommat id wani ya nan om-ommat is kasin.

Naipagtek 10:4

Daket isolat koma nan kinwanin nan kido ngem dat wada nan kali ay nagapo id daya ay mangmangwani, “Adim ipagpagtek nan kinwanin san pito ay kido. Adim isolat.”