Daniel 12:8 - Kalin Apo Dios

⁸ Dinngek nan kinwanina ngem egayko naawatan isonga daket sooten ay mangwani en, “Ngem Apo, intoy ikakan datona ay makwas?”

Daniel 12:8 Iomraidhean Croise

Daniel 12:6

Dat sooten nan esang ken daida isnan anghel ay tinmatakdeg isnan oson nan ginawang en, “Ay kaat di kabayagna esapay ommat nan naayda ay kaskasdaaw ay banag?”

Daniel 12:7

Dat ingaton nan anghel nan makanawan ya makanigid ay ledengna id daya daket dengngen ay mensapata siya isnan ngadan nan matatatatago ay Dios danat kanan en, “Awnit tolo ya kagedwa ay tew-en. No makwas nan maaamisan nan ipogaw Apo Dios et awnit ommat et am-in nan naayda ay banag.”

Daniel 12:9

Danat kanan, “Bay-am Daniel tay nan naayda ay kali et masapol adi maipagpagtek ta engganay omdan nan kombosna.

Lucas 18:34

Ngem adi polos getken san papasolotna san inbagbagana tay adida maawatan nan kayatna ay kanan.

Juan 12:16

Nan papasolotna et egayda naawatan nan kayatna ay kanan ngem isnan sinmagongan Jesus id daya et siya nan nangnemnemanda isdin naisolat id kasin maipanggep ken siya tay tinmet-ewa ay naikkan ken siya.

Aapostolis 1:7

Dat kanan Jesus ken daida en, “Nan timpo ay mentolayan tako et adi kabalin ay getkenyo tay si Apo Dios et kedeng nan kalebbeng ay mangtek isnan awnit om-ommat isnan omal-ali ay agew ya nan timpo ay ommatana.

1 Pedro 1:11

Inan-anapda no tongona nan ommatana ya nan kagtekana. Tay egayda naawatan nan inpabagan nan Ispiriton Kristo ken daida ay maipanggep isnan awnit mapaligatan Kristo ya nan awnitna maipangatowan.