Daniel 12:6 - Kalin Apo Dios

⁶ Dat sooten nan esang ken daida isnan anghel ay tinmatakdeg isnan oson nan ginawang en, “Ay kaat di kabayagna esapay ommat nan naayda ay kaskasdaaw ay banag?”

Daniel 12:6 Iomraidhean Croise

Salmo 74:9

Dan maid mailami is kaskasdaaw ay ipailam ya maid pay olay esa is mamadtom is nabay-an ken dakami? Adimi pay getken no tongon di menpatengaan datona.

Daniel 12:5

Dat sak-en ay si Daniel et inilak nan dowa ay lalalaki ay tomatakdeg isnan mensinombangil ay benget nan ginawang.

Daniel 12:8

Dinngek nan kinwanina ngem egayko naawatan isonga daket sooten ay mangwani en, “Ngem Apo, intoy ikakan datona ay makwas?”

Mateo 24:3

Isnan nangtaynan da Jesus id Jerusalem dadat omey isnan bilig ay Olivo. Idi wadada isdi dat ikekedeng nan papasolotna ay omey ken siya et kananda en, “Kadya, ibagam ken dakami no tongona nan maikkanan san kinwanim id kawni. Ngan nan awnit kailasinana ta getkenmi ay nganngani nan omaliyam ya nan menpatenggaan nan batawa?”

Marcos 13:4

“Kadya, ibagam ken dakami mo tongona nan omdanan san kinwanim id kawni ya nan kailasinan nan omdanana.”

Efeso 3:10

tasiyay no ilaen nan aap-apon di aanghel id daya ya nan tap-in di manakabalin ay adi kaila nan gawis ay ikkan Apo Dios ken datako ay mamati dadat getken ay osto nan kinapigsan di silibna ya nan kinagawis di nemnemna.

1 Pedro 1:12

Dat ipagtek Apo Dios ken daida ay baken nan timpo ay matatagowanda is ommatana nodi nan timpo id wani nan ommatana. Et natongpal tet-ewa et siya di nan dindinngeyo isnan ipogaw ay nangibaga ken dakayo isnan gawis ay damag ay maipanggep ken Kristo. Inbagbagada gapo isnan kabaelan nan Ispirito Santo ay mangbadbadang ken daida ay inbaan Apo Dios. Olay nan aanghel et kayatda ay maawatan ay gawis nan maibagbaga isnan gawis ay damag ay badang Apo Dios ay mangisalakan isnan kaipoipogaw.

Naipagtek 15:6

Dat bomala san pito ay anghel ay awnit mang-idya is pito ay ligat isnan batawa. Ninbabadoda is nadalos ay menpolololaw ya nabebedbedan nan pegaewda is nabalitokan ay galot.

Naipagtek 19:14

Nan wada id daya et omon-onodda ken siya ay kanegda sosoldado ay mang-on-onod isnan apoda. Nakabadoda am-in is polaw ay maid polos kilotna ya nakasakayda is polaw ay kabayo.

Naipagtek 6:10

Inbobogawda ay mangwani en, “Manakabalin ay Dios, tet-ewa nan am-in ay kanam ya osto nan ik-ikkam. Isonga tongona pay di mangbanagam isnan ipogaw isnan batawa ta baesam nan nangpatey ken dakami?”