Daniel 12:4 - Kalin Apo Dios

⁴ Danat kanan ken sak-en en, “Daniel, ilikepmo et nan liblo dakat pigketan ta enggana is kombos di batawa. Isnan wani et awnit ado nan ipogaw ay mangkayat ay mangtek isnan kayat ay kanan nan om-ommat ngem apedda menbanbannog et kedeng.”

Daniel 12:4 Iomraidhean Croise

Isaias 11:9

Id Sion ay bilig Apo Dios et maid polos menketeb wenno mendadadael. Et awnit mapno nan batawa isnan getken tako ay maipanggep isnan apo ay kaneg nan mamapnowan di baybay is danom.

Daniel 12:13

Et sik-a Daniel, itoltoloymo ay mamati enggana isnan kombosna. Awnitka matey ngem awnitka kasin matago ay mangdawat isnan gon-gonam isnan maodi ay agew.”

Daniel 12:5

Dat sak-en ay si Daniel et inilak nan dowa ay lalalaki ay tomatakdeg isnan mensinombangil ay benget nan ginawang.

Daniel 12:9

Danat kanan, “Bay-am Daniel tay nan naayda ay kali et masapol adi maipagpagtek ta engganay omdan nan kombosna.

Mateo 24:14

Et awnit maibaga isnan kaipoipogaw isnan batawa nan gawis ay damag maipanggep isnan mentolayan Apo Dios engganay dengngenda am-in et siya dinto et nan menpatenggaan nan batawa.”

Roma 10:18

Ngem sootek na. Ay egay dinngen nan Judio nan maipanggep ken Kristo? Dinngeda tay kanan nan inpasolat Apo Dios en nadnge isnan natkenatken ay ili. Naipagtek isnan am-in ay batawa.

Naipagtek 10:4

Daket isolat koma nan kinwanin nan kido ngem dat wada nan kali ay nagapo id daya ay mangmangwani, “Adim ipagpagtek nan kinwanin san pito ay kido. Adim isolat.”

Naipagtek 22:10

Intoloyna ay mangwani en, “Adim igagago nodi ipagtekmo nan inpagtekko ken sik-a ay wada isnan naay ay liblo tay nganngani ay ommat dana.

Naipagtek 5:1

Nakwas di daket ilaen nan nalololon ay papil ay gegen-an san tomotokdo ay mentolay isnan makanawan ay ledengna. San papil et nasosolatan nan ninsinombangil ya napipilkatan is pito tasiyay adi malokatan.