Daniel 12:10 - Kalin Apo Dios

¹⁰ Adoado nan awnit madalosan. Nan makedse et awnit adida maawatan nodi mentotoloyda ay makedse ngem nan masilib et awnitda maawatan.

Daniel 12:10 Iomraidhean Croise

Salmo 107:43

Nan masilib et nemnemenda dana koma. Adida koma kalkalingkingan nan adi menbalbaliw ay layad nan apo.

Salmo 51:7

Kaanem nan basbasolko tapno madalosanak. Owasam sak-en ta mapolpolawak mo nan kapes.

Isaias 1:18

Kankanan pay nan apo en, “Akayo ta menlilinawag tako. Namansaan kayo is gadangdang gapo isnan basbasolyo ngem owasak dakayo et menbalinek dakayo ay nadalodalos ta pomolaw kayo ay kaneg nan kapes. Olay no pilmi ay men-galaladangdang nan mansayo ngem awnit kayo pomolaw ay kaneg nan kapolaw di kapes.

Ezekiel 36:25

daket walsiyan dakayo is nadalos ay danom ta madalosan kayo isnan mangdaydayawanyo isnan tinagtago ya isnan am-in ay mangipangawi ken dakayo.

Ezekiel 47:11

Ngem adi maitapi ay mapagawis nan danom isnan napopokong isnan benget di baybay tay siya nan magapowan di asin.

Daniel 12:3

Nan masilib et awnitda somilang ay kaneg nan pat-an di daya ya nan nangipalinteg isnan ngawi ay ipogaw et awnitda gedan somilang ay eng-enggana ay kaneg nan talaw isnan daya.”

Malakias 3:3

Dalosana nan papadi ay kaneg nan ikkan di manglonag ay mangsagat is pilak ya balitok tapno madalosanda ay men-idaton.

Marcos 4:11

Dat kanan Jesus, “Owen, naipagtek ken dakayo nan egay naipagtek id kasin ay maipanggep isnan mentolayan Apo Dios. Ngem isnan tap-ina et pangngalig nan ik-ikkak ay mangisolo ken daida.

Lucas 24:25

Dat kanan Jesus ken daida, “Ay apo, menkenteg nan toktokyo. Naligat nan mangpatiyanyo isnan am-in ay inbagbagan din mamadto.

Juan 18:37

Isonga dat kanan Pilato, “Adi pay alika obpay?” Dat kanan Jesus, “Sik-a nan nangwani en aliyak. Siya na nan gapo ay naiyanakak isnan batawa ta ibagbagak nan tet-ewa. Et nan manglayad isnan tet-ewa, dengngenda nan ibagbagak.”

Juan 7:17

Nan manglayad ay mang-ikkan isnan layden Apo Dios et getkena no sak-en nan kagapgapowan nan kankanak wenno si Apo Dios.

Juan 8:47

Nan an-ak Apo Dios et idngeda nan ibagbagana. Ngem nan gapo ay adiyo idnge siya et tay bakena an-ak dakayo.”

1 Corinto 6:11

Id kasin kaneg todi nan inik-ikkan nan tapina ken dakayo. Ngem id wani nadalosan kayo tay pinakawan Apo Dios dakayo. Ninbalin kayo abes is ipogawna ay mensilbi ken siya. Et id wani gawis nan pangiilaan Apo Dios ken dakayo. Inommat am-in dadi gapo isnan inikkan Jesu Kristo ay Apo tako ya nan Ispiriton nan Dios tako.

2 Corinto 7:1

Gagayyemko, gapo tay keg da todi nan inkalin Apo Dios ken datako et kaanen tako koma nan am-in ay ngawi ay maik-ikkan ya ngawi ay nemnem. Ipakat tako ay pagawgawisen nan ogali tako engganay maanay gapo isnan mangpatpatgan tako ken Apo Dios.

Tito 2:14

Tay siya nan nang-ited isnan biyagna ay mangsobot ken datako ta adi tako itoltoloy ay mang-ikkan isnan ngawi. Natey siya tapno madalosan tako ay ipogawna ay mangkaykayat ay mang-ikkan isnan gawis.

Hebreo 12:10

Dinosdosan nan am-a tako datako id kasin ngem sin-awyan tay isdin kaongong-a tako et kedeng. Inik-ikkanda nan kananda en gawis ken datako. Ngem dosaen Apo Dios datako tay tet-ewa ay getkena ay siya nan gomawisan tako tapno menbalinena datako ay maiyiso ken siya isnan kinadalosna.

1 Pedro 1:22

Gapo tay pinatiyo nan tet-ewa et nadalosan et nan nemnemyo. Isonga mabalin ay laydenyo ay ostoosto nan iib-ayo ay mamati. Isonga kanak en ikkanyo ngalod.

1 Pedro 1:7

Nan gapo ay liknaenyo nan ligat et tapno mapaneknekan no tet-ewa nan pammatiyo. Tay kaspangaligan olay nan balitok ay adi maitoloy ay enggana et masapol ay mapaneknekan isnan apoy ta maila no tet-ewa ay balitok. Isonga gapo tay napatpateg nan pammatiyo mo nan balitok masapol ay mapaneknekan abes. Et no maila nan katet-ewan nan pammatiyo et dayawen ya ipangaton Apo Dios dakayo isnan agew ay kasin omaliyan Jesu Kristo.

1 Juan 5:20

Getken tako gedan ay ninbalin is ipogaw nan Anak Apo Dios et intedna ken datako nan osto ay nemnem tapno getken tako nan tet-ewa ay Dios. Maitatapi tako ken siya ya ken Jesu Kristo ay Anakna. Et si Apo Dios nan tet-ewa ay Dios ay kagapowan nan biyag ay maid patenggana.

Naipagtek 16:11

dadapay menkalkali is ngawi ken Apo Dios id daya gapo isnan ligatda ya sakitda. Ngem adida kayet balbaliwan nan ngawi ay ik-ikkanda.

Naipagtek 19:14

Nan wada id daya et omon-onodda ken siya ay kanegda sosoldado ay mang-on-onod isnan apoda. Nakabadoda am-in is polaw ay maid polos kilotna ya nakasakayda is polaw ay kabayo.

Naipagtek 19:8

ay naagtan is bado ay menpolololaw.” Nan kaiyaligan nan deey menpolololaw ay galot et nan gawis ay ik-ikkan nan ipogaw Apo Dios.

Naipagtek 22:11

Tay no menlogi dana ay ommat et nan mang-ik-ikkan is ngawi et itoltoloyna ay mang-ikkan is ngawi ya nan mang-ik-ikkan is kababain et itoltoloyna ay mang-ikkan is kababain. Ngem nan gawis ay ipogaw ya nan nadiosan et itoltoloyda ay mang-ikkan is gawis tay daida nan ipogaw Apo Dios ay mang-ik-ikkan isnan laydena.”

Naipagtek 3:18

Isonga bagbagaak dakayo ta sak-en di omaliyanyo is omalaan is kaneg kapatgan ay balitok et siya nan osto ay pammati tasiyay tet-ewa ay bomaknang kayo. Omala kayo koma gedan is polaw ay bado ta adi kayo menlalabos ta makaan nan bainyo. Ya omala kayo gedan is iyagasyo isnan matayo tasiyay makaila kayo kasin.