2 Corinto 1:3 - Kalin Apo Dios

³ Dayawen tako si Apo Dios ay Aman Apo Jesu Kristo ya Diosna tay dadama ay maseg-ang ken datako danapay ay-ayowen datako isnan am-in ay ligat.

2 Corinto 1:3 Iomraidhean Croise

Nehemias 9:5

Dat kanan nan Levita ay da Jesua, Kadmiel, Bani, Hasabneyas, Serebias, Hodias, Sebanias yas Petahias en, “Itakdegyo ta dayawenyo nan apo ay Diosyo ay wawawawada ay maid patenggana. Madaydayawka koma apo tay sik-a nan kapatgan ya kangatowan isnan am-in.

Salmo 18:46

Nan apo et matatatago. Madaydayaw siya ay menkamkamangak. Ipapangatok si Apo Dios ay mang-isalsalakan ken sak-en.

Salmo 68:35

Tet-ewa ay kaskasdaaw si Apo Dios isnan napateg ay kad-ana. Siya ay Dios di Israelita et agtana is pigsa ya kabaelan nan ipogawna. Madaydayaw si Apo Dios.

Salmo 72:19

Daydayawenyo nan napateg ay ngadana ay eng-enggana ya mapno koma nan batawa isnan dayawna. Sapay koma.

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Isaias 66:13

Awnitak liwliwaliwen dakayo id Jerusalem ay kaneg nan ikkan nan ina isnan anakna.

Juan 10:30

Dakami ken Ama et es-esa kami.”

Juan 20:17

Ngem dat kanan Jesus, “Adika mangikawkawe tay egayak kayet ninsagong ken Ama. Omeyka bawet ibaga isnan papasolotko ay bebsatko en somagongak ken Amak ay Diosko ay siya nan Amayo ya Diosyo gedan.”

2 Corinto 11:31

Si Apo Dios ay Dios ya Aman Apo Jesus et getkena ay tet-ewa. Siya nan madaydayaw ay eng-enggana.

2 Corinto 7:6

Ngem si Apo Dios ay mangipasingsingpa isnan nemnem di madadanagan et kinaana nan danagmi gapo isnan inmaliyan Tito.

Efeso 1:17

Menlol-owalowak ken Apo Dios ay kadayawan ay Ama tako ay nangibaa ken Apo Jesu Kristo. Dawdawatek ay itedna koma ken dakayo nan silib ay magapo isnan Ispirito Santo ay mangipagtek isnan am-in ay maipanggep isnan kinadiosna tapno getkenyo siya ay osto.

Efeso 1:3

Dadama nan panangdayaw tako ken Apo Dios ay Dios ya Aman Jesu Kristo ay Apo tako. Gapo isnan maitatapiyan tako ken Jesu Kristo et dadama nan badang Apo Dios ken datako tay inpaiyalina isnan Ispiritona nan am-in ay gawis ay nagapo id daya.

Filipos 2:11

Ay mangwani en si Jesu Kristo nan es-esa ay Apo. Et siya di nan kaidaydayawan Ama tako ay si Apo Dios.

Colosas 1:3

No ilowalowanmi dakayo ken Apo Dios ay Aman Jesu Kristo ay Apo tako et kanayon ay men-iyaman kami ken siya

1 Pedro 1:3

Dayawen tako si Apo Dios ay Aman ya Dios Jesu Kristo ay Apo tako. Dayawen tako tay gapo isnan pilmi ay seg-angna intedna ken datako nan balo ay biyag gapo isnan kasin natagowan Jesu Kristo. Isonga wada nan gawigawis ay namnamaen tako ay awnit tet-ewa matongpal.

2 Juan 1:4

Men-galalasingak tay getkek nan mangsolsolotan nan tapin di an-akmo isnan tet-ewa ay maipanggep ken Jesus ay kaneg nan inbilin Apo Dios ay Ama tako.

2 Juan 1:9

Nan ipogaw ay mang-it-itdo is teken ay adi maiyiso isnan insolsolon Jesu Kristo et adina getken si Apo Dios. Baken siya is diosna. Ngem no solsoloten nan ipogaw nan insolsolon Kristo et mentetee siya ken Apo Dios ay Ama ya isnan Anakna abes.