1 Juan 5:3 - Kalin Apo Dios

³ No tongtongpalen tako nan bilbilin Apo Dios et siya nan kailaan nan kinatet-ewan nan layad tako ken siya. Ya nan bilbilina et baken naligat ay matongpal.

1 Juan 5:3 Iomraidhean Croise

Salmo 119:140

Tet-etet-ewa nan inkalim et sak-en ay baam et laylaydek.

Salmo 119:45

Matatagowak ay siwawaya tay inadalko nan lintegmo.

Exodo 20:6

Ngem ipailak nan layadko isnan manglayad ken sak-en ya mangtongpal isnan bilinko enggana isnan kalibolibo ay aap-oda is kasin.

Mikias 6:8

Adi, tay inbagan nan apo nan gawis ay ikkan tako et siya na. Ikkan tako nan osto datakopay ipaila nan layad ya seg-ang tako ya menpakombaba tako ay mangtongtongpal ken Apo Dios.

Mateo 23:4

Tay taptapiyanda is adoado ay bilin nan linteg engganay mapaligatan nan mangtongpal ay kanegda men-ipaaw-awit is mendagsen dadapay adi polos badangan daida.

Juan 14:15

Intoloy Jesus ay mangwani en, “No laylaydenyo sak-en et tongpalenyo nan bilinko.

Juan 15:10

No tongpalenyo nan bilinko ay kaneg nan ikkak ay mangtongpal isnan bilin Ama et adi makak-aan nan layadko ken dakayo ay kaneg nan layad Ama ken sak-en ay adi makak-aan.

Juan 15:14

et dakayo nan gagayyemko no tongpalenyo nan bilinko.

Roma 7:12

Isonga baken nan linteg is ngawi nodi nan ipogaw tay nan linteg Apo Dios et maid polos ngawi ya nan bilbilina et gawisda ya ostoostoda.

Roma 7:22

Nan nemnemko et men-gasing isnan am-in ay linteg Apo Dios.

Deuteronomio 5:10

Ngem ipailak nan layadko isnan manglayad ken sak-en ya mangtongpal isnan bilinko et enggana isnan kalibolibo ay aap-oda is kasin.

Hebreo 8:10

Ngem siya na nan balo ay makitolagak isnan magapo ken Israel. Kanak en awnitak ipagtek nan lintegko isnan nemnemda. Ipanemnemko ken daida ta adida polos kalkalingkingan. Awnit sak-en nan Diosda ya daida nan ipogawko.

1 Juan 2:3

Nan kailasinana no tet-ewa ay getken tako si Apo Dios et nan mangsolsolotan tako isnan am-in ay bilina.

2 Juan 1:6

Siya na nan ikkan tako ta maila nan manglaydan tako isnan iib-a tako. Masapol ay tongtongpalen tako nan bilin Apo Dios. Dinngeyo id kasin nan esay bilina ay mangmangwani en menlinayad tako.