1 Juan 5:16 - Kalin Apo Dios

¹⁶ Naay pay nan esay ibagak. No ilaem nan esay ib-am ay bomasbasol dakat ilowalowan ta ited Apo Dios nan tet-ewa ay biyag ken siya. Ilowalowam siya malaksig no ikkana nan esay basol ay mangyey ken siya isnan dosa ay maid patenggana. Tay no siya di nan ikkana et adi kabaelan nan lowalom ay mangbadang ken siya.

1 Juan 5:16 Iomraidhean Croise

Salmo 106:23

Isonga kinwanin Apo Dios en dosaena nan ipogawna ngem si Moses ay pinilina ay baana et intakdegana daida ken Apo Dios tapno adi itoloy Apo Dios nan ligetna ay mangdosa ken daida.

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Lucas 12:10

Am-in ay menkalkali is ngawi maipanggep ken sak-en et mabalin ay mapakawan nan basolna ngem nan menkalkali is ngawi maipanggep isnan Ispirito Santo et adi mabalin ay mapakawan.

Juan 17:9

isonga ilol-owalowak daida. Baken nan adi mamati is ilol-owalowak nodi nan mamati tay ipogawmo ay inyalim.

2 Timoteo 4:14

Si Alejandro ay bomebesa et adoado nan inik-ikkana ay nanggolgolo isnan it-itdok. Ngem awnit dosaen Apo Dios siya gapo isnan inik-ikkana.

1 Juan 5:17

Am-in ay maikkan ay baken gawis et basol dadi. Ngem baken nan am-in ay basol is mangyey isnan ipogaw isnan dosa ay maid patenggana.

1 Samuel 12:19

Kinwanin nan kaipoipogaw ken Samuel en, “Pangaasim kad ta menlowaloka isnan apo ay Diosmo tapno adi kami matey tay tinapiyanmi nan basolmi isnan nindawatanmi is mangitolay ken dakami.”