1 Juan 1:8 - Kalin Apo Dios

⁸ No waday mangwani en maid basolna et maid polos getkena isnan tet-ewa ay maipanggep ken Jesu Kristo. Al-allilawena nan awakna tay baken tet-ewa nan nemnemna.

1 Juan 1:8 Iomraidhean Croise

Job 14:4

Maid gawis is magapo isnan ipogaw tay ngawida am-in.

Salmo 143:2

Adim koma banbanagen sak-en ay baam tay getkek ay managbasol nan am-in isnan pangiilaam.

Isaias 53:6

Tay id kasin et kaneg tako nan naamas ay kalnilo ay wasdin di omey isnan omay-ayana et inmaddaaddawi tako ken Apo Dios. Ngem inpalobos nan apo ay ken siya nan maikkanan nan dosa ay dosa koma pala ken datako.

Isaias 64:6

Am-in kami et managbasol kami. Olay no padasenmi ay ikkan nan gawis et nan kagawisan ay inik-ikkanmi et nalogit kayet. Gapo isnan basbasolmi et kan-eg kami tobon di mola ay naango ay itaytayaw di dagem.

Juan 8:44

Dakayo nan an-ak Satanas ay amayo isonga laydenyo ay mangtongtongpal isnan laydena. Enggana isdin damo et ninpatpatey siya. Maiwed tet-ewa is kankanana tay siya di nan sigod ay ogalina ay menlaslastog. Isonga siya nan kagapowan nan am-in ay kinalastog.

Roma 3:10

Kaneg na abes nan naisolat isnan kalin Apo Dios id kasikasin ay mangwani en, “Maid polos ipogaw is mabalin ay gawis nan pangiilaan Apo Dios ken siya.

Roma 3:23

Tay managbasol tako am-in ya addaaddawi nan kinagawis tako isnan kinagawis Apo Dios.

1 Corinto 3:18

Adi kayo maal-allilaw ay mangnemnemnem en masilib kayo gapo tay adoado nan getkenyo isnan getken di ipogaw isnan batawa. No kaneg todi nan nemnemyo et kanak en gag-awis no menbalinenyo nan awakyo ay kaneg maid getkenyo tapno ganabenyo nan tet-ewa ay silib ay magapo ken Apo Dios.

Galacia 6:3

Adi kayo mendine ay mangwani en adiyo masapol nan badang nan ib-ayo. Tay no keg tona nan nemnem nan ipogaw et al-allilawena nan awakna tay baken di is tet-ewa.

1 Timoteo 6:5

Siya dadi nan banag nan ik-ikkan nan ipogaw ay maid gawis isnan nemnemda isonga maid getkenda isnan tet-ewa ay maipanggep ken Apo Dios. Tay kananda en no mamatida et bomaknangda.

2 Timoteo 3:13

Dapay nan ipogaw ay ngawi ya nan menkamkampot ay men-it-itdo et am-amed omad-ado nan ngawi ay ik-ikkanda. Al-allilawenda nan ib-ada ya maitaptapida gedan ay maallilaw.

Santiago 1:22

No kananyo en mamati kayo et adiyo koma aped dengdengngen et kedeng nan kalin Apo Dios nodi tongpalenyo ta adiyo al-allilawen nan awakyo.

Santiago 1:26

Nan mangwani en mamati ken Kristo dat no menkali dat ngawi et al-allilawena nan awakna. Isonga nan mangmangwaniyana en mamati et maid silbina.

Santiago 3:2

Am-in tako ay ipogaw et bomasbasol tako et am-amed isnan ikkan tako ay menkali. Isonga no waday maid basolna isnan kankanana et mamagtek ay maid polos kadelawana et matna nan am-in ay ik-ikkana ta adi bomasbasol.

2 Pedro 2:13

tay awnitda madosa gapo isnan ngawi ay ik-ikkanda. Nan deeyda ay ipogaw et nan kagagasingda et nan mang-ikkananda isnan ol-olay ay kayatda olay kag-aw pay laeng. Maibabain kayo gapo isnan makikikananda ken dakayo dapay kedkedeng nan ngawi is wada isnan nemnemda. Et nan ngawi abes nan kagagasingda.

1 Juan 1:10

No waday mangwani en maid basolna dapay kanan Apo Dios en managbasol nan am-in et kanegna kanan en menkamkampot si Apo Dios. No keg todi nan kalkaliyen nan ipogaw et baken nan kalin Apo Dios is solsolotena.

1 Juan 1:6

Isonga no waday mangwani en kinibkib-ana si Apo Dios dapay no ngawi nan ik-ikkana et menkamkampot tay adina ik-ikkan nan kaneg nan kankanana.

1 Juan 2:4

Ngem nan mangwani en getkena si Apo Dios danapay adi solsoloten nan bilina et kampotan. Adina polos soloten nan tet-ewa ay panodtodon Apo Dios.

1 Juan 4:20

Ngem no kanan nan ipogaw en laylaydena si Apo Dios dapay no kaliligetna nan ib-ana ay ipogaw et menkamkampot siya. Tay no maid layadna isnan iib-ana ay il-ilaena et am-amed si Apo Dios is adina layden tay adina iilan.

2 Juan 1:2

Menlinlinayad tako tay getken tako nan tet-ewa ay maipanggep ken Kristo ay adi makak-aan isnan nemnem tako ay eng-enggana.

3 Juan 1:3

Dadama nan gasingko isnan nangdengngak isnan gawigawis ay ik-ikkam. Inbagan nan iib-am ay mamati ay inmali isna nan gawis ay mangsolsolotam isnan tet-ewa ay maipanggep ken Kristo.