1 Corinto 4:3 - Kalin Apo Dios

³ Isonga olay kompolmi nan mangnemnemnemanyo isnan ikkak ay men-obla tay baken kayo wenno kompolmi ay ipogaw is mangbanag ken sak-en no gawis nan oblak ay pala ken Apo Dios wenno baken tay si Apo Dios nan apok. Olay sak-en, adiyak kanan en ostoosto wenno baken.

1 Corinto 4:3 Iomraidhean Croise

Juan 7:24

Adi kayo aped menpabpabasol gapo isnan il-ilaenyo et kedeng nodi nemnemenyo ay osto esakayopay menpabasol.”

1 Corinto 2:15

Ngem nan ipogaw ay mamati et wada ken siya nan Ispiriton Apo Dios isonga mabalin ay mailasina am-in ay om-ommat dapay maid makailasin isnan ik-ikkana isnan ipogaw ay adi mamati.

1 Corinto 3:13

Ngem awnit maila isnan agew ay mangbanagan Kristo isnan am-in nan inikkan nan ipogaw ay nin-it-itdo. Tay awnitna ipadas nan apoy isnan sinapoda tapno maila no makneg wenno adi.

1 Corinto 4:2

Isonga ik-ikkanmi ay gawis tay nan masapol ay ikkan nan ipogaw ay wada nan oblana ay naitalek ken siya et masapol ay ik-ikkana nan kankanan nan apona.

1 Corinto 4:4

Tay olay maid getkek is basolko, adiyak getken no siya nan tet-ewa. Isonga bakenak is mangwani en gawis nan oblak nodi si Kristo nan makaibaga isnan tet-ewa.

1 Samuel 16:7

Ngem dat kanan nan apo ken siya en, “Baken nan kaan-ando wenno kinagowapo is mangil-ilaam tay adyak siya tay sak-en ay apo et baken kaneg nan ikkan di ipogaw nan ikkak ay men-ila. Nan ipogaw et kedeng nan maiila is il-ilaenda ngem sak-en et nan nemnem di ipogaw nan il-ilaek.”