1 Corinto 11:3 - Kalin Apo Dios

³ Ngem wada pay nan masapol ay getkenyo et siya na. Nan babai et nan asawana nan apona. Nan lalaki abes et si Kristo nan apona ya nan apon Kristo et si Apo Dios.

1 Corinto 11:3 Iomraidhean Croise

Genesis 3:16

Danat kanan isnan babai, “Paad-adowek nan ligatmo isnan kalilitonam ya nan sakit isnan omanakam. Ngem olay no siya di et laylaydem kayet nan asawam ya siya nan apom.”

Isaias 52:13

Dat kanan nan apo, “Awnit tongpalen nan baak nan oblana et awnit maingato ya maidayaw siya.

Isaias 55:4

Pinabalinko siya ay men-ipangpango ya mentolay isnan kailiili daket osalen siya ay mang-ipaila isnan kabaelak.

Mateo 28:18

Dat somag-en si Jesus ken daida et kanana, “Naited ken sak-en nan am-in ay kabaelan id daya ya isnan batawa.

Juan 14:28

Dinngeyo san inbagak ay awnitak taynan dakayo ngem awnitak kasin somagong. No linaylayadyo sak-en et men-gasing kayo tay omeyak ken Ama ay nangatngato mo sak-en.

Efeso 4:15

Owen, baken nalaka koma ay masokatan nan pammati tako nodi kalkaliyen tako isnan ib-a tako nan tet-ewa ay mait-itdo gapo isnan layad tako ken daida ta omosto nan pammati tako ken Jesu Kristo et komaneg nan ogali tako isnan ogalina tay siya nan kaneg tako olo

Colosas 1:18

Siya gedan nan kaneg tako toktok ay mamati ya datako nan kanegna awak. Tay siya ay Anak Apo Dios nan nagapowan nan balo ay biyag tako tay natago kasin siya isonga matatago abes ay enggana nan mamati ken siya. Isonga siya nan kangatowan isnan am-in.

Colosas 2:10

isonga am-amed nan kabaelan Jesu Kristo mo nan am-in ay manakabalin et nangatngato siya mo daida. Et dakayo et maid kolangyo isnan am-in ay masapolyo tay wada ken dakayo nan am-in ay wada ken siya gapo isnan naitapiyanyo ken siya.

Colosas 2:19

Egayda itoltoloy ay mamati ken Kristo dapay si Kristo nan kaneg tako toktok ya datako ay mamati nan kanegna awak. Am-in ay masapol nan awak ta masiken et magapo isnan toktok et siya gedan nan mangoolnos isnan awak ta masiken ay osto ay kaneg nan layden Apo Dios ay ommat ken datako.

Colosas 3:18

Dakayo ay bababai, patgenyo nan as-awayo tay siya nan masapol ay ikkan nan mamati ken Jesu Kristo.

1 Pedro 3:1

Naay abes di kayatko ay ibaga ken dakayo ay bababai ay wada nan as-awada. Masapol abes ay patpatiyenyo nan aas-awayo ay kaneg nan kinwanik isnan mangpatpatiyan nan ipogaw isnan menlebbeng. Tay olay no wada nan adi mamati id wani et awnit mamati nan tapina gapo isnan il-ilaenda ken dakayo. Olay maid ibagayo ken daida ngem awnitda mamati tay il-ilaenda nan gawis ay ik-ikkanyo ya nan manglislispitowanyo ken Apo Dios.