Yunu 3:8 - Wunta Mempori

⁸ Asalakono luwuno mia ka pinotuwu, mpekukumbuako sawu po'inombo ka mpebooli meroku ndi Ondae Ue Ala, saru asalakono singge mia mepokule inso a leluno anu mosa'o ka inso a mpobobarasaia anu wineweuno.

Yunu 3:8 Iomraidhean Croise

Ayubi 16:17

maupo nahina poweweu lambaha a ngkaeku, ka pekakaiku moleo inso i aroaku.

Ayubi 36:10

ka Do'ungkahiako ira birido a pompaguru, saru tumena ira mpepokule inso a wineweu mosa'o.

Yesaya 58:6

Naahi! Mepuasa anu inehe-Ku onaemo ka ulolohi ira pompongu lambaha ka motola ira kolorono tinembi, ka upokomaradeka ira anu ntebobarasai ka puduo sompo tinembi,

Yesaya 59:6

Inena anu hinoru atuu nahi ta pinokopake gagi pesangka, ka wineweudo atuu nahi ta pinokopake gagi sawu. Poweweudo onaemo poweweu anu mosa'o, ka pobobarasai iweweuo kaedo.

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 25:5

Dompotae: Intepidimo singge mia inso a mpelelumiu anu mosa'o ka inso a luwuno wineweumiu anu mosa'o, ka impo'ia mpiha i wita anu Doweeakomiumo i Ue ka a uempu'umiu inso i ndi'ipua hawe nahina tampulaano.

Yeremia 26:3

Bara'ura ira koa mebehe mperorongeakono ka singge mia mepokule inso a mpeleluno anu mosa'o, ranta ka Kupe'o'ole a masolaa anu Kupontooako ira hangano luwuno wineweudo anu mosa'o.

Yeremia 36:3

Tewala domerongeo suku Yehuda mongkona luwuno masolaa anu tinoo-Ku motiio ndi ondae, bara'ura ira singge ntepidi inso a mpeleludo anu mosa'o atuu, ranta ka Ku'oniniako ira sala ka halado.”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Yoeli 1:14

Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Yunu 1:14

Ka do'amba mpebooli ndi Ondae i Ue, dompotae, ”Oo Ue si po'inee kami wainto memate hangano penaano mia andio. Si popotembia kami reano mia anu nahina salano, hangano Omiu Ue, moweweu Komiumo kana po'ehe-Miu.”

Yunu 1:6

Haweomo petewawa a ngkapala atuu tepohaweakono ka ipotae, ”Kana'umpe omue mokompoturi rodo ntu'u? Pewangumo, peboolimo ndi Ondae Ue Alamu, bara'ura Ondae Ue Ala atuu Ira merio kita, kasi tomemasola.”

I MATIU 3:8

Gaagi impoluarakomo wua anu menunu saru tepidia.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.