Yunu 3:6 - Wunta Mempori

⁶ Mansano hawe lele atuu ndi mokole kota Niniwe, metiiomo inso a ngkadera poparentaano, ilohuo lemba meloeno, ipekukumbuako sawu po'inombo, ka i'amba mentoro a awu.

Yunu 3:6 Iomraidhean Croise

1 Mokole 21:27

Rumongeo pinau atuu, i Ahabi berio sangkano, mompokona sawu po'inombo a ngkoroino ka mepuasa. Onae moturi saru mompake sawu po'inombo ka melempa telusa.

Ayubi 2:8

Ka i'amba i Ayubi umalao asa nsiba pehano tami gagi pekaru-karuno a ngkoroino ka ipentoro a ntonga awu.

Ayubi 42:6

Onaemo pu'uno kumokoko'iiakono pauku ongkueku ka saru me'o'ole ongkue mentoro a laro pampawu ka awu.”

Yesaya 15:3

A nsala mia mpebooako sawu po'inombo, a wawo ato ka a ntanalapa luwuno mponsabangi, uwoi matado nte'i'iti.

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 36:13

Ka i'amba i Mikaia pauako ira luwuno pau anu irongeomo, tempono i Baruki basao wunta atuu i arodo mia hadio.

Yeremia 36:24

Moiko mokole maupo luwuno pegawaino anu rumongeo luwuno pau atuu nahi domedoito ka nahi domeberio sangkado.

Yeremia 6:26

Hei ana beineno tongkuku, pokonaomo sawu po'inombo, ka pelundi-lundimo a pampawu! Pompemasusamo kana mompemasusaako ana asa-asano, saru ponsabangi anu mo'o'au! Hangano nahi kinookoo ta hawe pompepate sumapoi kita.

Ponsabangi 2:10

Mpentoro mpenoro-noro a wita luwuno mia pinemota'uno ana beine Sioni; domporawoakono awu a wawo uludo, ka pompokona sawu po'inombo. Luwuno ana beineno Yerusale mpetuundu a wita.

Ponsabangi 3:29

Po'ineeomo ipebangkuako saru rupano a laro pampawu, bara'ura hinao pomperorohia.

Yehesikieli 26:16

Luwuno mia pinemota'udo tongku anu i wiwi ntahi ta metii potorodo ka mentadi ira lemba meloedo ka melohuo sangkado anu mesora-sora. Ondae ipabawai ira doitoa ka mpentoro a wita; sompo tempo ira medoito ka ntededengke hangano omue.

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Mika 1:10

Siimo pohaweo lele i Gati, siimo ntu'u pengese! Pewalundimo a laro pampawu i Beti-Le-Apira!

I MATIU 11:21

”Masolakomo Korasi! Masolakomo Besaida! Hangano tewala i kota Tirusi ka Sidoni gagiano luwuno anu kinohali-haliako anu gagiomo i tonga-tongamiu, tehineomo dontepidi ka mpo'inombo.

I LUKASI 10:13

”Masolakomo Korasi! Masolakomo Besaida! Hangano tewala i Tirusi ka i Sidoni gagi anu mengkinohali-haliako anu gagiomo i tonga-tongamiu, tehineomo dontepidi ka mpo'inombo.