Yunu 3:4 - Wunta Mempori

⁴ Mompu'uomo i Yunu mewinso a laro ngkota atuu, asa oleo pelempaa olaino, ka i'amba mebooli, ”Pato pulu oleo mbo'u, manasa Niniwe winowangunsule.”

Yunu 3:4 Iomraidhean Croise

2 Mokole 20:1

A luwuno oleo atuu i Hisikia mahaki ka ilawupo imate. Ka i'amba i nabi Yesaya anano i Amosi aiwa ka ipotaeakono, ”Kanandiomo pau-Do i Ue: Pobintamo pe'oliwimu a nsomborimu, hangano omue komate, nami kotompa mbo'u.”

2 Mokole 20:6

Aku mokomelaio tinuwumu hopulu ka olima nta'u mbo'u. Aku koa motolako ka kota andio inso a ngkaeno mokoledo to Asuri ka walao kota andio hangano Ongkue ka hangano i Daudi, tetenaa-Ku.”

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yeremia 42:10

Tewala mpo'ia komiu mpiha i wita andio, Aku mowangu ka komba sumolangi komiu, weweu komiu tuwu ka nahi Aku buta komiu. Hangano, me'o'ole Aku mompotii masolaa ndi omiu.

Yunu 3:10

Mansa-Do kumitao Ue Ala wineweudo atuu, onaemo kana'umpe dompepokule inso a leludo anu mosa'o, me'o'ole Iramo Ue Ala hangano masolaa anu Dopatindaomo tiado ka nahi gagi mbo'u Doweweuo.

I MATIU 12:41

I tempono pobitaraa, to Niniwe ira mpentade saru mia andiodo ka mehukuo mbo'u. Hangano to Niniwe atuudo ntepidi umarido merongeo pompaleleno i Yunu, ka menteeano anu kongko i ndi'ai laluaopo sekono i Yunu!

I LUKASI 11:30

Hangano kana i Yunu gagi petondonido to Niniwe, kanandio koa mbo'u i Ana Manusia Ira gagi petondonido mia andiodo.

I LUKASI 11:32

I tempono pebitaraa, to Niniwe ira mpentade saru mia andiodo ka ondae anu humuku ira. Hangano to Niniwe atuudo ntepidi tempono domerongeo pompaleleno i Yunu, ka menteeano anu kongko i ndi'ai laluaopo sekono i Yunu!”

Winali 18:22

Tewala asa nabi mepau a nee-Do i Ue ka pinauno atuu nahi gagi ka nahi mengkaa, onaemo atuu pau anu nahi Dopauo i Ue. Nabi atuu kowee-weeomo mompohawe, si medoitoakono.