Yunu 2:9 - Wunta Mempori

⁹ Sine ongkue, saru po'undeku aku mompesombaako pesomba ndi Omiu; hapa anu kutangao aku umowahio. Inso ndi Ondae i Ue tekaduduia!”

Yunu 2:9 Iomraidhean Croise

Tegagia 35:3

Aiwamo tompepatinda ka melako i Beteli. Aku moweweu meda pontunua pesomba ndi Ondae Ue Ala i ra'ai anu sumangki akumo i tempono pompema'isoku ka anu kumongkomi akumo a nsala anu tinondaku.”

2 Samueli 15:7

Pato nta'u lembuino i Abisalo mesikeno ndi ondae mokole, ”I'eheeakunemo lumako, ka ku'ihiio tinangaku anu kudandiomo ndi Ondae i Ue i Heberoni.

Ayubi 22:27

Tewala mekakaiko ndi Ondae, Ira Uminduo pekakaimu, ka omue ko'umowahio pontangamu.

Po'unde-unde 107:22

Po'ineeomo dompopesombaako pesomba pontarimakasi, ka paleleo luwuno inangga-Do saru mengkokora-kora memawongko!

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 3:8

Ipentademo, Ue, Itulungi akumo, oo Ue Alaku! Oo, Itunduhiomo asedo luwuno iwaliku, ka puduo ngisido mia mosa'o gauno.

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Po'unde-unde 68:20

Inunde-unde Iramo i Ue! Oleo me'eu oleo Dotembiakita tinembito; Ondaemo Ue Ala tekaduduiato. Sela

Po'unde-unde 95:2

Aiwamo tompe'aro ndi Ondae saru penani pontarimakasi, kokora-koraako Ira saru penani po'unde-unde.

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

I YOHANE 4:22

Omiu mpesombaio hapa anu nahi imento'orio, omami mpesombaio hapa anu kimento'orio, hangano tekaduduia hawe inso a tongku Yahudi.

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

IBARANI 13:15

Hangano Ondae, onaemo pu'uno aiwamo tompesombaakono pesomba po'unde-unde ndi Ondae Ue Ala, onaemo pinauno wiwi anu umunde-undeo nee-Do.

MENGKAAA 7:10

Ka saru suara meroku mpebooli ira, ”Tekaduduia ndi Ondae Ue Alamami anu mentoro a wawo ngkadera poparentaa ka ndi Ondae Ana Bimba!”

1 Samueli 12:21

Si mepansia mpontonda pinesombai susua anu nahi mentee, anu nahina tuduno, ka nahi pokompontulungi, hangano luwuno atuu nahina pengkonaano.