Yunu 2:7 - Wunta Mempori

⁷ Tempono sumangaku molema, terorambe akumo ndi Omiu Ue, ka haweomo pekakaiku ndi Omiu, a raha-Miu anu mempori.

Yunu 2:7 Iomraidhean Croise

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 142:3

Kupohaweo pinemasusaku i aro-Do, pompema'isoku kupauako Ira i aro-Do.

Po'unde-unde 143:5

Kurambeo luwuno oleo anu telaloomo, kuwela mewuao luwuno wineweu-Miu, kupenootio wineweuno kae-Miu.

Po'unde-unde 18:6

kolorono tolinodo mia mate wewesi aku, luwuno pompete'umala matea tina'o i aroku.

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Po'unde-unde 22:14

ondae mpongangao ngangado ndi ongkue kana singa anu mingki momperangkami ka mengaoli.

Po'unde-unde 27:13

Menteeano, kupe'ala-alao aku kumitao moiko-Do i Ue i witado mia mentuwu!

Po'unde-unde 42:11

Kana petobono matea a laro wukuku iwaliku tumata aku, saru mpotae ndi ongkue i larono asa oleo, ”I sua Ira Ue Alamu?”

Po'unde-unde 42:5

Ndiomo anu aku mewowoloo, kontongaano sumangaku tedoa mompemasusa; kana'umpe kupelempa a laro baresino hadio mia, wawa ira a raha-Do Ue Ala saru suara mengkokora-kora mawongko ka penani po'unde-unde, a laro maroado mia anu mpoweweu porame-ramea.

Po'unde-unde 43:5

Tembio ka upompemapari, hei sumangaku, ka tembio ka udanggara a laro ngkoroiku? Pomperorohimo ndi Ondae Ue Ala! Hangano aku umunde-unde Ira mbo'u, anu tumulungi aku ka Ue Alaku!

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Yesaya 38:17

Menteeano, pompemarasai anu pinembasaiku gagiomo tekaduduiaku; Ipe'eheo ntu'u sumangaku tola inso a masolaa. Mentee ntu'u, Itadiomo luwu halaku inso i aro-Miu.

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yunu 2:4

Umarino atuu kupotae: teponsia akumo inso i aro-Miu. Da aku koa kumitao mbo'uke raha-Miu anu mempori?

Mika 1:2

Imerongeomo, hei luwuno tongku! Impekokoongakono, hei tolino saru ihino! Po'ineeomo Ondae Ue Ala gagi sakosii ndi omiu, onaemo Ondae i Ue inso a raha-Do anu mempori.

Habaku 2:20

Sine Ondae i Ue kongko Ira i laro raha-Do anu mempori. Imerodomo mpo'ia i aro-Do, oo luwuno tolino!

IBARANI 12:3

Impewowolo Ira koa mpiha, anu mo'asao aroa-Do tumembio pengengedo mia ntehala anu lansara atuu a ngkoroi-Do, ka si megagi molema ka ntelusa.

1 Samueli 30:6

Tedungkuomo i Daudi hangano dompotae palili ira mewunoakono watu. Luwuno palilino masusa aroado, hangano anano tama ka beine. Sine i Daudi mohawe roso inso ndi Ondae i Ue, Ue Alano.