Yunu 1:6 - Wunta Mempori

⁶ Haweomo petewawa a ngkapala atuu tepohaweakono ka ipotae, ”Kana'umpe omue mokompoturi rodo ntu'u? Pewangumo, peboolimo ndi Ondae Ue Alamu, bara'ura Ondae Ue Ala atuu Ira merio kita, kasi tomemasola.”

Yunu 1:6 Iomraidhean Croise

2 Samueli 12:22

Sangkino, ”Tempono nana'ote atuu da tuwu, puasa aku ka mengese aku, hangano kupewowoloo, ’Ba mansa Dopehohawa aku i Ue ranta ka ikongko tuwu nana'ote atuu.’

Esetere 4:16

”Lakomo, pumpu iramo luwu to Yahudi anu mekongko i Susani ka imempuasamo tiaku. Si mpongkaa ka si mpo'inu otolu oleo tehineno, moiko i tempono wongi, moiko i tempono meene. Ongkue saru luwuno beine puu mpopekakaakoku mbo'u, kami mempuasa kanatuu. Ka umarino atuu aku mewinso me'aro ndi ondae mokole, maupo mo'ewai atora. Tewala mansa aku mate, po'ineeomo kumate.”

Po'unde-unde 107:6

Onaemo ka dompeboo-boolimo ndi Ondae i Ue a laro pompema'isodo, ka Dopotola ira inso a masusaado.

Po'unde-unde 78:34

Tewala Dopepate ira, onaemo ka dome'ungke Ira, ondae mpepokule ka merorohi Ira Ue Ala;

Yesaya 3:15

Hapa pabawamiu bobarasai ira bawaa-Ku ka umisao ka imotutu rupado mia tepokonsii?” Kanandiomo pau-Do Ue Alano luwuakoano.

Yehesikieli 18:2

”Hinao hapa saru omue, ranta ka imempauo popotundaa pau andio i wita Isaraeli: Luwuno ama mpongkaa wua momata ka ngisido anado gagi mongilu?

Yoeli 2:11

Ondae i Ue moporongeo pau-Do i arono sorodadu-Do. Mentee ntu'u, tedoa hadio sorodadu-Do, moroso ntu'u anu meleluakono pau-Do. Tedoa ntu'u mongkokongiri oleo-Do i Ue atuu. Isema anu moko'ontoo?

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Yunu 3:8

Asalakono luwuno mia ka pinotuwu, mpekukumbuako sawu po'inombo ka mpebooli meroku ndi Ondae Ue Ala, saru asalakono singge mia mepokule inso a leluno anu mosa'o ka inso a mpobobarasaia anu wineweuno.

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

ROMA 13:11

Mongkona andio asalakono ka imeweweuo, hangano imento'orio tempo kanandio-andio, onaemo nine haweomo tempono ka impewangu umari mpoturi. Hangano kanandio-andio tekaduduiato rangkuomo susua sekonopo tempono tomegagi mpompe'ala-ala.

EPESU 5:14

Onaemo pu'uno ka ipinau, ”Impewangumo, hei omiu anu mpoturi ka impewangumo inso i olodo mia mate ka Ondae i Kerisituu Ira wantahi komiu.”