Yosua 7:6 - Wunta Mempori

⁶ Ipeberisakonomo i Yosua lembano, menggolontuomo i Yosua ra'ino hawe ia wita mesomba i arono burua-Do i Ue ranta ngkiniwia, mperonga ka mia memota'udo to Isaraeli, ka toro'uludo domerawosiakono awu wita.

Yosua 7:6 Iomraidhean Croise

Tegagia 37:29

Tempono ipekule i Rube a nsumuru atuu, ikitao i Yusupu nami kongko mbo'u i larono. Ka i'amba berio lembano

Tegagia 37:34

I Yako berio lemba meloeno, ka i'amba mokonao sawu po'inombo a ntongano. Onae mompemasusa i larono ba'opia oleo tehineno hangano anano atuu.

Ponsabangi 2:10

Mpentoro mpenoro-noro a wita luwuno mia pinemota'uno ana beine Sioni; domporawoakono awu a wawo uludo, ka pompokona sawu po'inombo. Luwuno ana beineno Yerusale mpetuundu a wita.

2 Samueli 13:31

Ondae mokole meberisakono sangkado ka dopepombole a horo. Luwudo pegawaido mpentade i tu'ai ka sangkado teberi.

Podoaa 14:6

Sine i Yosua anano i Nuni ka i Kalebi anano i Yepune anu tewinso a luwuno mia anu mempadasoomo wita atuu berio sangkado,

MENGKAAA 18:19

Ka mporawo ira pampawu a wawo uludo ka mpebooli, kontongaado mpengese ka mposabangi, dompotae, ”Masola, masola, kota langkai, anu hangano onae luwuno mia, anu hinao kapalano a ntahi, gagiomo kaea hangano balu-baluno anu masuli olino, hangano i larono asa langku koa tampulaomo.

WINEWEUDO TINENA 14:14

Rumongeo atuu i Baranaba ka i Paulu beri-berio sangkado, ka do'amba lumako a ntonga-tongano mia hadio atuu ka dopebooli,

Ayubi 2:12

Mansado mengkitao inso olai, nami domento'orio mbo'u. Ka do'amba mpengese meroku, meberio lemba meloedo ka mporawo awu a wawo uludo kontahane i langi.

Ayubi 1:20

Mentadeomo i Ayubi, berio lemba meloeno, ka kumeruo uluno, ka i'amba menggolontu ka mesomba.

Esetere 4:1

Mansano tumo'orio i Modekai luwuno anu gagi atuu, iberio sangkano, umarino atuu mompokona sawu po'inombo ka awu, ka i'amba meluarako melempa i tonga-tongano kota ka ipengese meroku ka masusa.

2 Samueli 12:16

Ka i'amba i Daudi mekakaiakono nana'ote atuu ndi Ondae Ue Ala. Onae mepuasa ntu'u inso i aroano, mewinso i bolongko ka asa wongi i pepombole a wita.

2 Samueli 1:12

Mponsabangi ira, mpengese ka mempuasaakono i Saulu ka i Yonata anano, bawaa-Do i Ue ka suku Isaraeli, ranta sumoo oleo, hangano memateako iramo ponai.

1 Samueli 4:12

Asa mia inso a nto Benami molai inso a mpeteaa ka ihawe i Silo oleo koa atuu, sangkano teberi-beri ka mewita toro'uluno.

Puu Mpobitara 21:2

Itempono tongku atuu hawe i Beteli, ka mpo'ia i ra'ai i aro-Do i Ue, Ue Ala ranta ngkiniwia, mpengese ira tedoa meroku,

Puu Mpobitara 20:26

Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Podoaa 16:45

”Peliahakomo inso i tonga-tongano bawaa andio, ka Kupingko ira i larono asa mpiniro.” Onaemo ka dopesomba.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

Yosua 7:7

Mepauomo i Yosua, ”O, Ueku Ue Ala, tembio ka Itena ira tongku andio mensakio koro Yarade? Ka kimempineweengako ia mia to Amori ka kimempinepate? Da laluopo ba kimempakosio mpo'ia i asatowano koro Yarade!

2 Samueli 1:11

Ka i'amba i Daudi uminio sangkano ka ipeberisakono, kanatuu koa mbo'u luwuno mia anu merongaakono.

2 Mokole 22:11

Rumongeo luwuno pauno wunta songka Taura atuu, doberio mokole sangkado.

2 Tawarika 34:19

Rumongeo pauno Taura atuu, mokole berio sangkano hangano masusa aroano.

Ayubi 42:6

Onaemo pu'uno kumokoko'iiakono pauku ongkueku ka saru me'o'ole ongkue mentoro a laro pampawu ka awu.”

Puu Mpobitara 11:35

Kumitao anano atuu, ipeberisakono i Yepeta sangkano, ka ipotae, ”Oo wainto anaku, tedoa upokomasusao aroaku, ka upokomasola aku! Montanga akumo ndi Ondae i Ue, ka nami aku mokobalio.”

2 Samueli 1:2

Ia oleo anu ko'otolu haweomo asa mia sorodaduno i Saulu mesangka teberi-beri ka wita a uluno. Sahaweno ndi Daudi, menggolontuomo mesomba hawe i wita.

2 Samueli 13:19

Ka i'amba i Tamari monaa awu a ntoro'uluno ka iberio lemba rahi pinokonano anu tedoa tekosi. Inaao kaeno a ntoro'uluno ka ilako monsabangi tedoa meroku.

Esera 10:1

Kontongaano i Esera menggolontu mekakai ka ipengese mangakuakono hala i arono Raha-Do Ue Ala, tepumpuomo bawaa to Isaraeli hadio ira ntu'u umpeda ndi onae, tama, beine, ka nana'ote. Mia atuudo mpengese meroku ntu'u.

Nehemia 9:1

Ia oleo korua pulu ka opaa wula atuu, to Isaraeli mpepumpu ka mempuasa saru mpopokona sawu po'inombo ka wita a ulu.

Esetere 4:3

Ia sompo-sompo wita, isua petena ka atorado mokole haweomo, hinao po'inomboa anu langkai i olodo to Yahudi tinondaako puasa ka ponsabangi; hadio mia mpowile sawu po'inombo saru awu pe'empehido mpoturi.