Yosua 4:3 - Wunta Mempori

³ ka tena ira kanandio: Tandeomo hopulu ka orua watu inso i ndi'ai, i tongano koro Yarade andio, anu a mpelandaado sando mpesomba atuu, wawaomo luwuno atuu i asatowano ka imenaao a mperatoamiu te'ingka wongi.”

Yosua 4:3 Iomraidhean Croise

Tegagia 28:22

Watu anu kupontadeo gagi tugu andio ta gagi raha-Do Ue Ala. Inso a luwuakoano anu iweeakune aku wela mesombaakono asa ntia hopulu ndi Omiu.”

Po'unde-unde 103:2

Unde-unde Iramo i Ue, hei sumangaku, ka si kolupeo luwuno moiko-Do!

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

I LUKASI 19:40

Dosangki ira, ”Kupauakomiu: Tewala ondae andio mengkomino, asalakono watu andio ta mebooli.”

Yosua 24:27

Motae i Yosua ia luwuno tongku atuu, ”Menteeano ntu'u watu andio ta gagi sakosii ndi ontae, nde watu andio rumongeo luwu pau-Do i Ue anu pinau-Do ndi ontae. Gagi watu andio gagi sakosii ndi omiu, kasi mpehapu ia Ue Alamiu.”

Yosua 3:13

Mansano karudo sando mpesomba pontande burua-Do i Ue, Ueno wawontolino, mpenaa-naa ia larono uwoi koro Yarade, onaemo uwoi koro Yarade atuu ta te'onto; uwoi anu waa inso iwawono ta menaa-naa waa gagi bunto.”

Yosua 4:4

Ipoboi iramo i Yosua hopulu ka orua mia anu pinakosinomo nte'o'asa mia inso ia tongkudo to Isaraeli,

Yosua 4:8

Domeweweuomo to Isaraeli kana petenano i Yosua. Mpontande iramo watu hopulu ka orua inso i tongano koro Yarade, kana petena-Do i Ue ndi Yosua, montonda doado tongku Isaraeli. Luwuno atuu domewawao i asatowa a mperatoado, ka domenaao i tu'ai.

1 Samueli 7:12

Ka i'amba i Semueli umalao asa watu ka i pontoroo i olono Misipa ka Yesana. Ineeakono Ebe-Haese, pengkonaano, ”Hawe i ndi'ai Dotulungi kita i Ue.”