Yoeli 3:2 - Wunta Mempori

² Aku pumpu ira luwuno tongku ka wawa ira mpetii a Lembono Yosapa; Aku mekara-karaako ira i ra'ai mongkona bawaa-Ku ka mia-Ku, Isaraeli, hangano domensiarawo ira i olodo luwuno tongku ka mpetia-tiao wita-Ku;

Yoeli 3:2 Iomraidhean Croise

2 Tawarika 20:26

Ia oleo ko'opaa mpepumpu ira i Lembono Po'unde-unde. I ra'aimo dome'unde-unde Ira i Ue ka onaemo pu'uno mia meneeakono po'ianga atuu Lembono Po'unde-unde ranta kanandio-andio.

Yesaya 66:16

Hangano, Ondae i Ue Ira humukuakono api ka ponai-Do luwuno anu tuwu, ka hadioomo mia anu mate pinepate-Do i Ue.

Yesaya 66:18

Kuto'orio luwuno wineweu ka tinoodo, ka Aku hawe pumpu ira mia inso a luwuno tongku ka pau. Ondae ira me'aiwa ka mengkitao maramba-Ku.

Yeremia 12:14

Kanandiomo pau-Do i Ue, ”Mongkona luwuno pehori raha-Ku anu mosa'o wineweudo, luwuno tongku anu monsosanggoli wita anu Kuweeako iramo bawaa-Ku Isaraeli gagi tia pusakado, menteeano Aku buta ira inso i witado ka Aku buta ira suku Yehuda inso i tonga-tongado.

Yeremia 25:31

Suara magaga ta hawe i tompano tolino, hangano Ondae i Ue hinao tinuntu-Do a luwuno tongku. Dopekara-karakono luwuno anu tuwu; Mia mosa'o gauno Ira meweengakono a mponai, kanandiomo pau-Do i Ue.

Yeremia 49:1

Mongkona inuleno i Amoni. Kanandiomo pau-Do i Ue, ”Nahinake anano i Isaraeli, nahinake eu ngkoroino? Tembio i Milikomi ka ipe'umbuo Gadi, ka tongkuno mpo'iangario luwuno kotano?

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yehesikieli 25:8

Kanandiomo pau-Do Ue Ala, ”Hangano motae Moabi: Mentee ntu'u, suku Yehuda atuu mengkena kana luwuno tongku susua,

Yehesikieli 34:6

Luwuno bimba-Ku ntesaa a luwuno torukuno ka pongku anu mantande. Humbee, i luwuno wita atuu bimba-Ku ntesiarawo, nahina maupo te'asa mia anu merio ira ke umungke ira.

Yehesikieli 35:10

Omue motae: Orua tongku atuu ka orua wita atuu ta gagi tiaku ka kita mpe'ueo, kahinaano Ondae i Ue kongko Ira i tu'ai,

Yehesikieli 36:1

”Hei omue, anano mia, pauomo anu ta gagi mongkona luwuno torukuno i Isaraeli ka potaemo: Hei luwuno torukuno i Isaraeli, rongeomo pau-Do i Ue!

Yehesikieli 36:5

Onaemo pu'uno, kanandiomo pau-Do Ue Ala: Ongkue manasa mepau a laro api mahakino aroa-Ku umewaio toreano luwuno tongku ka luwuno Edomi, anu tumantuio wita-Ku gagi tiano saru luwuno po'unde ka pontetewehi, ranta wita pompakambia atuu gagi pomurua.

Yehesikieli 38:22

Aku humukuakono haki lele ka rea. Aku mompotii usa marombo, usa seru baku, api, ka walira i wawono, a wawo nsorodaduno, ka a wawo hadio tongku anu tumondao.

Yehesikieli 39:11

A oleo atuu Aku moweeakono i Goge asa po'ianga, isua onae ba ikinaburu i Isaraeli, i Lembono Pesakiakoa i sabaano oleo inso i tahi ka kaburu atuu ta umonsoi ira mia anu mpesakiako. I ra'ai i Goge ta kinaburu saru luwuno mia hadio anu tumondao, ka po'ianga atuu ta nineeako Lembono Hamoni Goge.

Yoeli 3:12

Po'ineeomo luwuno tongku mpelelu ka melako a Lembono Yosapa, hangano i ra'ai Aku mentoro bitara ira luwuno tongku inso a luwuno siuno.

Yoeli 3:14

Hadio mia, hadioomo mia i lembono potantuia! Oo, rangkuomo oleo-Do i Ue i lembono potantuia!

Amosi 1:11

Kanandiomo pau-Do i Ue, ”Hangano otolu wineweuno Edomi anu mosa'o, ke opaa, nahi Aku balio mbo'u pomputusi-Ku. Hangano onae moluluako ponai pepaekompono ka mepateo aroa pompehohawano, bamburuno moberi mpiha, ka tekudado kongko mpiha,

Mika 4:12

Sine nahi domento'orio tinoo-Do i Ue; Nahi dompokonto'orio pomputusi-Do, nine Ira mempinumpu kana te'uno gandu a ponsesaa.

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 16:14

Ondaemo atuu penaado onitu anu mpopokohina luwuno wineweu kinohali-haliako, ka domelako ntepohaweako ira mokole i asa wawontolino, ka dopumpu ira tiano peteaa a oleo langkai, onaemo oleo-Do Ue Ala Anu Tedoa Pabawa.

MENGKAAA 16:16

Ka i'amba pumpu ira a mpo'ianga, anu a mpau Ibarani nineeako Harmagedon.

MENGKAAA 16:6

Hangano dome'uwuomo reado mia mempori ka luwuno nabi, Omiu mbo'u moweeako iramo rea ka dome'inuo; mongkona atuu tekona ndi ondae!”

MENGKAAA 20:8

ka onae ta lumako mopo'oo ira tongku a opaa siuno tolino, onaemo Goge ka Magoge, ka pumpu ira ka dompetea ka porokodo mengkena saru hadiono one a ntahi.