Yoeli 2:2 - Wunta Mempori

² oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Yoeli 2:2 Iomraidhean Croise

Po'unde-unde 10:6

Onae mepau i laro aroano, ”Nahi aku telelu. Nahi ta umalu aku masolaa mapa'api-api inule.”

Po'unde-unde 97:2

Seru ka wongi-wongi lumimbu Ira, moleoa ka songka onaemo empehino kadera poparentaa-Do.

Peluarakoa 10:14

Mehawe iramo kosume tedoa hadio buketio luwuno wita Masiri. Se'eluno napi hori hina kosume anu kanandio hadiono ka umarino andio nahi ta hori hina mbo'u anu kanantuu.

Peluarakoa 10:6

Kosume atuu ta buke a laro rahamu, a rahado luwuno pegawaimu, ka a luwuno rahado to Masiri, kana anu napi dohori mpongkita amamiu ka uempu'umiu, insono domehina i tolino ranta hawe oleo andio.” Ka i'amba i Musa mewolili meluarako bintao i Pirao.

Peluarakoa 20:21

Tongku atuu mpetade ola-olai, sine i Musa lumako umpeda a nseru mo'ito po'ianga-Do Ue Ala.

Yesaya 5:30

A oleo atuu ira mperaali kana tahi u'uru. Tewala mia mengkita i tolino, tengkita butu wongi-wongi anu mompokoma'iso, ka mewine gagi wongi-wongi hangano seru!

Yesaya 8:22

ka mpengkita i tolino, mengkaa butu ma'isoa ka wongi-wongia, rawu-rawu anu mompokoma'iso, ka ira mentinadi a laro wongi-wongia.

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

Yeremia 13:6

Ba opia tempo lembuino, mepau Iramo i Ue ndi ongkue, ”Pontuturakomo lako a ngkoro Eparata ka alaomo inso i ra'ai peboo ntonga anu Kuparentaakomu ka uwunio i ra'ai!”

Ponsabangi 1:12

Nahinake pomperiomiu luwuno anu ntelalo? Imengkitaomo, hinaoke pompemasusa kana pompemasusa anu Doweeakune i Ue, weweu aku marasai tempono tekuda-Do tensila!

Yehesikieli 32:7

Tempono Kupepateko, langi Aku tumutuwio ka anano wula Kuweweuo megawu. Mata'oleo Kututuwiakono seru ka wula nahi pepansariako wanta.

Yehesikieli 34:12

Kana asa mia puu pompakambi umungkeo bimbano i tempono bimba atuu teponsia inso a bawaano bimbano, kanatuumo Aku umungke ira bimba-Ku ka kumadudui ira inso a luwuno po'ianga, ba isua domensiniarawo a oleo menseru ka wongi-wongi.

Yehesikieli 38:9

Omue me'umbaako kana angi mokora ka aiwa kana seru anu tumutuwio asa wawontolino, omue saru luwuno bawaano sorodadumu; hadio tongku tumondako.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Danieli 9:12

Dopokorosoomo pau anu pinau-Do ndi omami ka mia anu parenta kamimo saru mowawaakami masolaa langkai anu napi hori gagi i totono asa wawo langi, kana i Yerusale.

Yoeli 1:6

Hangano asa tongku lumako sumapoio witaku, tongku anu moroso ka nahi pinokopau porokono; ngisino kana ngisino singa, ka tinduno kana tinduno singa waino.

Yoeli 2:25

Aku momuleakomiu luwuno ta'u anu hasilino piingko ikaano kosume mpelimba, kosume mpelonso, kosume modoko mongkaa ka kosume mongkarasi, sorodadu-Ku anu hadio Kutena ira i tonga-tongamiu.

Yoeli 2:31

Mata oleo ta baali gagi wongi mpusu ka wula gagi rea se'eluno napi hawe oleo-Do i Ue anu mongkokongiri.

Yoeli 2:5

Kana rerendeno kareta, dompelonso-lonso a wawo luwuno punsudo torukuno; kana ponggelo-nggelono langano api anu kumaano piingko seami; kana aasa tongku anu moroso, baresino tetinda ta metea.

Yoeli 3:4

Ka mbo'u, hapa penggoeamu saru Ongkue, hei Tirusi, Sidoni ka luwuno wita Pelisiti? Nde komiu mingki mensulooke wineweu-Ku? Tewala hinao wineweumiu ndi Ongkue, manasa magasi ka Aku koa ronga mosuleo wineweumiu atuu ndi omiu.

Amosi 4:13

Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Sepanya 1:7

Pomperodomo i aro-Do Ue Ala, hangano oleo-Do i Ue rangkuomo. Mentee ntu'u, Ondae i Ue mompatinda Iramo pesomba sinumbele ka mokomemporiomo luwuno inolu-Do.

Sakaria 14:6

I tempo atuu nahina wanta butu pompemorini ka baaku.

I MATIU 24:21

Hangano i tempo atuu ta gagi pobobarasaia anu mongkokongiri kana anu napi hori gagi tampu'uno wawontolino hawe kanandio-andio ka anu nahi ta hori gagi mbo'u.

I MARAKUSU 13:19

Hangano i tempo atuu ta gagi pobobarasaia kana anu napi hori gagi tampu'uno wawontolino, anu pinokogagi-Do Ue Ala, hawe kanandio-andio ka anu nahi ta gagi mbo'u.

Winali 32:7

Impewowoloomo tempo se'eluno, impekokoongakono luwuno ta'u asa ntuwua anu laloomo. Pesikenomo ndi amamu, onae ta pauo, a luwuno mia memota'umiu, ondae anu mempatotoo.

IBARANI 12:18

Hangano nahi ime'aiwa a ntorukuno anu pinokodanggi ka api anu kolanga-langa, a worikidi, wongi-wongia ka angi mokora,

YUDASI 1:13

Ondae kana bombano tahi anu mongkokongiri, anu mewureako tetataado ondaedo; ondae kana luwuno anano wula anu tiano tetindaomo po'ianga i wawontolino wongi-wongia ranta nahina tampulaano.

MENGKAAA 9:2

Ka i'ungkahiomo pewowano bolo wingke matea atuu, ka i'amba mewuatakoomo ahu inso a bolo atuu kana ahuno awu langkai, ka mata'oleo ka laromeene gagi wongi-wongiako ahuno bolo atuu.