Yoeli 1:4 - Wunta Mempori

⁴ Hapa anu binintano kosume mongkaa ntededei, ikaano kosume melakopi, hapa anu binintano kosume mpelimba, ikaano kosume mpelonso, ka hapa anu binintano kosume mpelonso, ikaano kosume modoko mongkaa.

Yoeli 1:4 Iomraidhean Croise

1 Mokole 8:37

Tewala i wita andio hinao mokoninggoa, hinao haki lele, ponsolagi pinopaho, haki mpinopaho, kosume, ke kosume mpokaa pinopaho, tewala iwali kumadu ira i aasa kotado, hapamokoa pohuku ke haki anu hina,

2 Tawarika 6:28

Tewala hinao mokoninggoa i wita andio, tewala hinao haki lele, ponsolangi pinopaho ke hakino pinopaho, kosume ke kosume mokomongkaa, tewala iwali kumadu ira i asa kotado, tula hapamo koa ke haki anu hina.

2 Tawarika 7:13

Tewala Kubonsoo langi, ranta nahina usa; ka tewala Kutenao kosume kumaano kai pingko hasilino wita, ka tewala Ku'oliwio haki lele i olono bawaa-Ku,

Po'unde-unde 105:34

Mepau Ira, ka haweomo kosume, kosume anu mpelonso nahi pinokopau hadiono,

Po'unde-unde 78:46

tempono hasilino witado Doweeakono ule-ule, ka hasilino pe'iseido a ngkosume;

Peluarakoa 10:4

Nde tewala u'onto ira bawaa-Ku melako, tisomo Aku mopotii kosume a wita poparentaamu;

Peluarakoa 10:5

kosume atuu ta tumutuwioo wawo wita, onae ka nami tekita wita; kosume atuu ira mengkaano kai pingko anu da tebinta toreano dumunsio usa uwoi watu, ka maupo keu anu tuwu i tonga mpada ta pingko domengkaano kosume.

Yesaya 33:4

Mia mpopumpu pinomuru kana kosume modoko mongkaa montele kaangano; domensapoio kana ponsapoino bawaano kosume.

Yeremia 51:14

Ondae Ueno luwuakoano mesumpa Iramo a nee-Do Ondae-Do: Maupo Kuweweuko bukeako mia kana kosume, sine mia ta mebooliako pohio ponangiamu.

Yeremia 51:27

Tande iramo bandera i tolino, puuriomo tawuwua i olodo luwuno tongku, patinda iramo tongku umewaio Babeli, tena iramo poparentaa umewaio: Arara, Mini ka Asikenasi! Potoroomo asa mia tadulako umewaio, wawa iramo ngara kana bawaano kosume!

Yoeli 2:25

Aku momuleakomiu luwuno ta'u anu hasilino piingko ikaano kosume mpelimba, kosume mpelonso, kosume modoko mongkaa ka kosume mongkarasi, sorodadu-Ku anu hadio Kutena ira i tonga-tongamiu.

Amosi 4:9

”Kusapoiakomiumo ponsolangi pinopaho ka haki mpinopaho. Kupokomoleuo luwuno pinopahomiu ka luwuno lere anggoromiu. Luwuno keu ara ka keu saitu piingko ikaano kosume. Sine nahi mpepokule ndi ongkue,” kanandiomo pau-Do i Ue.

Amosi 7:1

Ndiomo anu pinopokita-Do Ue Ala ndi ongkue: Tengkita Iramo moweweu bawaano kosume, i tempono ewo da'iaopo mompu'u tuwu, onaemo atuu ewo dasarai umarido mensewoo puu mponsewo ewo tiado mokole.

Maleaki 3:11

Aku sumaariakomiu kosume modoko mongkaa, ka si pingkoo hasilino witamiu ka keu anggoro a mpada ka ipewuaakomiu koa, pau-Do Ueno luwuakoano.

Winali 28:38

Hadio inii komiu mpowawa i lere, sine tedei wuano anu komiu mepumpuo, hangano ta pingkoo kosume.

Winali 28:42

Luwuno keumiu ka hasilino witamiu ira mempabawaio kosume.