Winali 8:2 - Wunta Mempori

² Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

Winali 8:2 Iomraidhean Croise

Tegagia 22:1

Umarino gagi luwuno atuu, Ondae Ue Ala umarahakono i Burahima. Mepau Ira ndi onae, ”Burahima,” ka i'amba sumangki, ”Oo Ue.”

2 Tawarika 32:31

Kanandio koa mbo'u teweweuno tempono luwuno tinenado mokole i Babeli aiwa ndi onae ka dompesikenoakono mongkona petondoni kinohali-haliako anu gagiomo i witano. Sine Ondae Ue Ala bintao i Hisikia Ira umarahakono, ka itino'ori luwuno ihino aroano.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

Nehemia 9:19

nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Ayubi 33:17

ka dompepokule mia inso a wineweudo, ka mokotampulao pompelangka-lakaino mia,

Po'unde-unde 103:2

Unde-unde Iramo i Ue, hei sumangaku, ka si kolupeo luwuno moiko-Do!

Po'unde-unde 106:7

Uempu'umami i Masiri nahi dompokonto'orio luwuno wineweu-Miu anu kinohali-haliako, nahi domerambeo hadio ntu'u pompehohawa-Miu, tendeano ondae me'ewa i wiwi ntahi, i wiwi Ntahi Teberau.

Po'unde-unde 136:16

Ndi Ondae anu wawa ira bawaa-Do ntelalo a mpada one; menteeano ranta nahina tampulaano pompehohawa-Do.

Po'unde-unde 77:11

Onaemo ka kupotae, ”Onaemo andio anu dumuhuo ateku, nine kae ngkoana-Do Anu Tedoa Mantande baali.”

Po'unde-unde 81:7

”Kutandeomo tinembi inso a oweamu, kaeno tolaomo inso a ngkarandi tinembi;

Peluarakoa 15:25

Mebo-booliomo i Musa ndi Ondae i Ue, ka Ondae i Ue tumisoakono asa mpole keu. Ipewunoakono i Musa keu atuu a laro uwoi, uwoi atuu gagi mo'ahi dome'inuo. I ra'aimo Dopoweeako ira i Ue luwuno songka ka atora. I ra'aimo Do'arahako ira,

Peluarakoa 16:35

To Isaraeli mpongkaa roti manna pato pulu nta'u tehineno, ranta ka domehawe a wita po'iangado. Dompongkaa manna atuu ranta ka domehawe a ntida wita Kana'a.

Peluarakoa 16:4

Ka Do'amba mepau i Ue ndi Musa, ”Aku mompotiiakomiu usa roti te'inso i langi; gagi sompo oleo tongku atuu ira mpeluarako mpobini kaangado sompo tiano asa oleo, ka Ku'arahako ira, ba ira koa mentuwu menunu songka-Ku ke naahi.

Peluarakoa 20:20

Sine ipotaeako ira i Musa tongku atuu, ”Si medoito, nde hawe-Do Ue Ala aiwa umarahako komiu ka dumoitoako Ira kongko mpiha a laro matamu ka simpoweweu hala.”

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Yesaya 2:17

Mia anu mompelangka-langkai ta pinokompetuundu, mia anu mompelangka-langkai ta pine'uru-uru; butu koa Ondae i Ue anu tedoa mantande a oleo atuu.

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

Podoaa 14:33

ka luwuno anamiu ira mpelakopi gagi puu mpopakambi i pada one ilarono pato pulu nta'u ka ira mentembio nahi petenunumiu ranta luwuno wata ngkoroimiu pingko i pada one.

I LUKASI 18:14

Kupauakomiu: Mia andio mekule i rahano gagi mia anu Dopementeeo Ue Ala ka mia mehano atuu naahi. Hangano ba isema melangkaio koroino, onae ta pine'uru-uru ka ba isema me'urumako onae ta pinelangkai.”

I YOHANE 2:25

ka hangano nahi kinere maupo te'asa mia mesakosii ndi Ondae mongkona mia, hangano Doto'orio hapa anu hina i laro aroano mia.

Winali 1:3

A ntanggala aasa wula hopulu ka aasa ta'u pato pulu, i Musa mepau a nto Isaraeli, menunu saru luwuno anu Doparentaakono i Ue ndi onae tiado.

Winali 1:33

anu melempa i aromiu a mpelempaamiu. Ondaemo anu mo'ungkeakomiu ba isua komiu mpekema, i tempono wongi saru api ka i tempono meene saru seru, mopokitaakomiu sala anu asalakono komiu mentondao.

Winali 13:3

asalakono si mperorongeakono pinauno nabi ke puu mpo'ipi atuu. Hangano, Ondae i Ue, Ue Alamiu, umara-arahako komiu ka Doto'orio, ba mentee koa ntu'u impehohawa Ira a tompaano aroamiu ka a tompaano sumangamiu.

Winali 2:7

Mentee ntu'u Ondae i Ue, Ue Alamiu rumonso komiu a laro luwuno inanggano kaemiu. Dokongkomi komiu a mpelempaamiu lumaloo pada one anu malua andio. I larono pato pulu nta'u andio Dokongkomi komiu i Ue, Ue Alamiu, ka nahina maupo hapa makuramiu.

Winali 29:5

Mepau Ira, ”Ilarono pato pulu nta'u Kuwawa komiu mpelempa lumaloo pada one. Sangkamiu nahi unsa a ngkoroimiu, ka sandalamiu nahi masola a ngkarumiu.

Winali 32:7

Impewowoloomo tempo se'eluno, impekokoongakono luwuno ta'u asa ntuwua anu laloomo. Pesikenomo ndi amamu, onae ta pauo, a luwuno mia memota'umiu, ondae anu mempatotoo.

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 8:16

ka anu i pada one moweeakomiu mpongkaa mana, anu nahi domento'orio uempu'umiu, ka Doweweu komiu mpe'urumako ka Do'arahako komiu, poko'ariano butu Ira moweweu moiko ndi omiu.

YAKOBU 1:3

hangano imento'orio, nine arahakono pompe'ala-alamiu atuu mompokohina modato aroa.

YAKOBU 4:10

Impe'urumakomo i aro-Do i Ue, ka Ira mokomantande komiu.

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

Puu Mpobitara 2:22

Onaemo mesala ia luwuno tongku atuu Aku umarahako ira to Isaraeli, ke ba dakongkodo mentuwu montonda sala anu Dotisoako ira i Ue, kana anu wineweudo ue mpu'udo, ba naahi.”

Puu Mpobitara 3:4

Mekongko ira mpiha, ka mesala ndi ondae, to Isaraeli inarahako ka iteto'ori ke domerongeokoa parenta anu Doweeako ira i Ue ia ue mpu'udo mesala ndi Musa.