Winali 7:2 - Wunta Mempori

² Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.

Winali 7:2 Iomraidhean Croise

Tegagia 14:20

ka inunde-unde Iramo Ue Ala Anu Tedoa Mantande, anu meweengako iramo iwalimu a ngkaemu.” I Burama moweeakono asa ntia hopulu inso a luwuno.

2 Samueli 21:2

Ka i'amba mokole moboi ira to Gibeo ka ipotaeako ira. To Gibeo atuu nahi dontewinso to Isaraeli, sine tewinso a toreado to Amori ka maupo to Isaraeli mpesumpa iramo ndi ondae, i Saulu montoo ta rumopu ira a laro po'anggaano gagi tiado to Isaraeli ka Yehuda.

1 Mokole 20:34

Motae i Benihada ndi onae, ”Luwuno kota anu inalado amaku inso ndi amamiu, aku mokuleo. Omiu mbo'u moiko i powangu olu i Damasi, kana wineweudo amaku i Samaria.” Motae i Ahabi, ”Hangano pedandimu atuu, aku mo'ineeko lumako.” Ka i'amba i Ahabi moweweu pedandia saru onae ka ipo'ineeo lumako.

Esera 10:3

Kanandio-andio, aiwamo ka tompowutu pedandia saru Ondae Ue Ala, nine kita mentena ira luwu melako beine atuudo saru nana'ote anu pine'anaakodo, tumondao patudumiu ka luwuno mia anu medoito a parenta-Do Ue Alato. Po'ineeomo luwuno atuu iwineweu montonda songka hopulu.

Po'unde-unde 106:34

Nahi domeropu ira luwuno tongku, kana anu Doparentaako ira i Ue,

Peluarakoa 22:20

Isema anu mompesombaako pesomba a pinseombai susua sangkadio ndi Ondae i Ue, asalakono pinokotampula.”

Podoaa 21:2

Onaemo ka dompotanga to Isaraeli ndi Ondae i Ue, dompotae, ”Tewala Ipeweengakono ntu'u tongku andio a ngkaemami, kami meropuo luwuno kotano ranta ka itampula.”

Podoaa 31:17

Kanandio-andio pepate iramo luwu ana ntama anu da kodei. Luwuno beine anu horiomo mewowaliako tama, asalakono impepate ira mbo'u.

Podoaa 33:52

asalakono imensaari ira luwuno palili i wita atuu inso i aromiu ka imempuroo luwuno watu ngginorido; asalakono imempuroo mbo'u luwuno tinaha tinawado ka imeropuo luwuno pongku wita pesombaado.

Winali 13:8

Si ntenangi ndi onae ka si perorongeakono. Si mokoko'unduakono, si pehohawao ka si mentutuwio salano,

Winali 13:9

sine impepateomo! Amba-ambano kaemu omuemu anu melelu komepateo, ka i'amba kaedo luwuno palili.

Winali 19:13

Si haweako aroamiu mpehohawao. Kanatuumo imempahihio reano mia anu nahina salano inso i Isaraeli, kai moikokoa imentuwu.

Winali 2:33

Sine Ondae i Ue, Ue Alato, meweengakono ndi ontae, ranta ka tomenangio saru luwuno anano ka luwuno sorodaduno.

Winali 2:34

I tempo atuu tompoko'alao luwuno kotano ka rumopuo palili sompo kota: tama ka beine saru nana'ote. Nahina maupo te'asa mia anu tompo'ineeo tepotola.

Winali 23:14

Hangano Ondae i Ue, Ue Alamu melempa inso i tonga-tongano pekemaamu Ira motolako ka meweengakono iwalimu ndi omue. Asalakono pekemaamu atuu mempori, kasi Dopongkita hapa anu nahi penunu i olomu, ka Dopebungkuiko.”

Winali 25:12

asalakono kau totopio kaeno beine atuu. Si pehohawao.

Winali 3:3

Ka Do'amba i Ue, Ue Alato meweengakono mbo'u i Ogo, mokole i Basani, saru luwuno sorodaduno a ngkaeto. Tomenangio, ranta nahina maupo te'asa mia tola.

Winali 31:5

Ondae i Ue Ira meweengako ira ndi omiu ka omiu asalakono weweuo ndi ondae mongkona ntu'u kanaparenta anu kupohaweakomu.

Winali 33:27

Ondae Ue Ala anu nahi bali onaemo puu pongkaduduimu; i totomu hinao tokia anu nahina tampulaano. Dosaario iwali inso i aromu ka mepau, ’Ropuomo.’

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

Yosua 10:28

I oleo koa atuu i Yosua ipoko'alao kota Makeda, ihino inia ipepateako ira ponai, kanatuu koa mbo'u mokoledo, luwuno anu tuwu ipepate ira nahina maupo te'asa mia anu tola ka mokole Makeda wineweu kana mokoledo to Yeriko.

Yosua 10:30

Kota atuu Dopeweengakono i Ue a nto Isaraeli, saru mokoleno. Kota ka luwuno ihino ipepate ira i Yosua mompake ponai, nahina maupo te'asa mia anu tepotola, ka mokoledo wineweu kana mokoledo to Yeriko.

Yosua 10:32

Ondae i Ue meweengakono kota Lakisi atuu a nto Isaraeli. Ipoko'alao i Yosua kota atuu i ko'orua oleono. Kota atuu ka luwuno ihino ipepateako ira ponai, kana iweweu ira to Libina.

Yosua 10:40

Kanandiomo i Yosua numangio luwuno wita atuu, Mentorukuno, wita Nege, Sipela ka korimbino ka luwuno mokoledo. Nahina maupo te'asa mia anu tepotola, sine luwudo anu hinao penaano dopepate ira, kana anu Dotenaako ira i Ue, Ue Alado to Isaraeli.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 11:8

Ka Ondae i Ue meweengako ira a nto Isaraeli. Donangi ira, ka dolulu ira hawe i Sidoni-Langkai ka hawe i Mesirepo-Maimi, ka hawe i lembono Misipa anu i sabaano oleo. Kanandiomo domempinepate, nahina maupo te'asa mia anu tepotola.

Yosua 2:14

Sumangki ira mia atuu ndi onae, ”Penaamami gagi pe'inia ndi omiu, polomokoa kasi popauo hapa ki'aiwaako andio; nde ba Dopewengakonomo i Ue inia andio ndi omami, kamimo mopokitaakomu pontarimakasi ka petenunumami ndi omue.”

Yosua 21:44

Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

Yosua 8:24

Umarido to Isaraeli mepate ira luwu mia i kota Ai a ntonga mpada, isua dolulu ira to Isaraeli, luwudo mateako mata mponai hawe a mia anu pokotompaano. Luwudo to Isaraeli mpekule i kota Ai ka donangiako ira ponai.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.

Yosua 9:7

Sine mpotae ira to Isaraeli a nto Hewi atuu, ”Bara'ura omiu andio mpo'ia komiu i olo mami, kana'umpe ntu'u kami mpoweweu pedandia saru omiu?”

Puu Mpobitara 1:24

Mansano domengkitao mia mpopadaso atuu asa mia meluarako te'inso ia kota atuu, ka dompotaeakono, ”Itulungi kami tisoakami ba kana'umpe ka kimpokompewinso i kota andio, ka kami koa meweweuko kana sambe'e mami.”

Puu Mpobitara 1:4

Melako iramo tongku Yehuda, ka Ondae i Ue meweengako ira to Kana'a ka to Parisi ia ngkaedo, ka dompepate ira i Bese, hopulu nsowu ira hadiodo.

Puu Mpobitara 2:2

sine omiu, sii mpoweweu pedandia saru palili wita andio. Pontunua pesombado asalakono ka impobangkuo. Sine nahi imperorongeakono pau-Ku. Tembio ka imempoweweu kanandio?