Winali 7:1 - Wunta Mempori

¹ Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Winali 7:1 Iomraidhean Croise

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Tawarika 1:14

saru to Yebusi, to Amori, to Girigasi,

2 Tawarika 8:7

Luwuno mia anu da tebinta inso a nto Heti, to Amori, to Perisi, to Hewi ka to Yebusi, luwuno anu nahi tewinso to Isaraeli,

Esera 9:1

Umarino wineweu luwuno atuu, mehawe iramo mia mpinemota'u ndi ongkue, dompotae, ”Palili i Isaraeli, sando mpesomba, ka to Lewi nahi dotemponsia inso luwuno tongku i wita atuu, saru luwuno wineweudo anu mokoburu, onaemo inso to Kana'a, to Heti, to Perisi, to Yebusi, to Amoni, to Moabi, to Masiri ka to Amori.

Nehemia 13:23

I tempo atuu kukitao mbo'u nine ba'opia ira to Yahudi mpekombiaako beinedo to Asidodi, Amoni ke Moabi.

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Peluarakoa 15:7

Saru mpoponangi-Miu anu langkai Iropu ira anu umewaiko-Miu; Ipotolao tekuda-Miu, kana langano api, kumaa ira kana seami.

Peluarakoa 23:28

Aku mompotola mbo'u hoani anu masii mese'elungi komiu, ka dosaari ira to Hewi, to Kana'a ka to Heti atuu inso i aromiu.

Peluarakoa 23:32

Si mpoweweu pedandia saru ondae ke maupo saru lahumoado.

Peluarakoa 23:33

Ondae nahi ira mpo'ia mpiha i wita miu, kasi dompokontehala komiu ndi Ongkue, hangano mpesomba a lahumoado, nde anu kanarau gagi winggaro ndi omiu.”

Peluarakoa 33:2

Aku montena asa mala'eka melempa i aromu anu ta sumaari ira to Kana'a, to Amori, to Heti, to Perisi, to Hewi ka to Yebusi.

Peluarakoa 6:8

Ka i'amba i Musa pauako ira to Isaraeli, sine nahi domperorongeakono, hangano tedungkuomo aroado ka tedoa dompemobeao tepe'atado.

Imama 14:34

”Tewala mpewinso komiu i wita Kana'a anu Aku weeakomiu gagi pe'ueamiu ka mompotii Aku petondoni haki mesaki i asa raha i wita tiamiu atuu,

Podoaa 13:29

To Amale mpo'ia i Wita Nege, to Heti, to Yebusi ka to Amori mpo'ia i mentorukuno, to Kana'a mpo'ia i asa ngkeu wiwi ntahi ka i asa ngkeu wiwi ngkoro Yarade.”

Podoaa 14:31

Mongkona luwuno anamiu anu impotae ta gagi mia tinawa, ondaemo anu Aku wawa ira mpewinso, ka domento'orio wita anu nahi mpe'eheo.

WINEWEUDO TINENA 13:19

Ka umari-Do rumopu ira opitu tongku i wita Kana'a, Dotia-tiaako ira wita atuu ka dompe'umbuo

Winali 11:29

Gagi, mansano Dowawa komiumo i Ue, Ue Alamiu a wita anu pinewinsokimiu kai mpetorokio, asalakono impokomengkaao ronso i wawo ntorukuno Gerisimi ka totonaa i wawono torukuno Ebali.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 20:16

Sine, inso a luwuno kotado tongku atuudo anu Doweeakomiu i Ue, Ue Alamiu, gagi tia pusakamiu, hapamokoa anu menaa, si po'inee ira mentuwu.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

Winali 31:3

Ondae i Ue, Ue Alamu, Ira sumaki i aromu, ka rumopuo luwuno tongku atuu inso i aromu ranta kai mpokompe'ueo witado. Kanatuumo i Yosua onae ta sumaki i aromu, kana anu pinau-Do i Ue.

Winali 4:38

Ira sumaario inso i aromiu luwuno tongku anu lalu langkai ka moroso sekono omiu ka Dowawa komiu mpewinso a witado ka meweengakono ndi omiu gagi pusakamiu, kana anu gagi kanandio-andio.

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:10

Ondae i Ue, Ue Alamiu, Ira wawa komiu mpewinso a wita anu dinandi-Do saru sumpa ndi Burahima, ndi Saki ka ndi Yako, uempu'umiu, ta pineweengako ndi omiu: wita saru luwuno kotano anu langkai ka moiko, anu nahi mewanguo.

Winali 6:19

saru sumaari ira luwuno iwalimiu inso i aromiu, kana anu pinau-Do i Ue.

Winali 6:23

Sine, Dowawa kita mpeluarako inso i ra'ai, ka Dowawa kita mpewinso Ira weeakita wita anu Dodandiomo saru sumpa ndi ondae uempu'uto.

Winali 9:1

Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

Winali 9:4

Si mpotae i laro aroamiu, tewala Dosaari iramo i Ue, Ue Alamiu inso i aromiu: Hangano menteekumo ka Dowawa aku i Ue mewinso mentorokio wita andio. Kahinaano hangano koa mosa'o gaudo tongku atuudo ka Dosaari ira i Ue inso i aromiu.

Yosua 11:3

onaemo mokoledo to Kana'a ia sabaano oleo ka i sumooano oleo, to Amori, to Heti, to Perisi, to Yebusi a mentorukuno, ka to Hewi ia mpu'uno torukuno Heremoni, i wita Misipa.

Yosua 24:11

Mansamiu mpesakiako ia koro Yarade ka hawe i Yeriko, mpe'iwali komiumo ka to Yeriko, to Amori, to Perisi, to Kana'a, to Heti, to Girigasi, to Hewi, to Yebusi, sine ondae atuu Kupeweengako ira ia ngkaemiu.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.