Winali 6:3 - Wunta Mempori

³ Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.

Winali 6:3 Iomraidhean Croise

Tegagia 12:2

Aku weweuko gagi tongku anu langkai, rumonsoko, saru weweuo neemu telele, ka omue kogagi ronso.

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Tegagia 15:5

Ka Do'amba i Ue wawao i Burama meluarako ka Dopepau, ”Pentombumo i langi ka doaomo anano wula, tewala upokodoao.” Mepau Ira mbo'u ndi onae, ”Kanatuumo te'ipua hadiono inulemu.”

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 26:4

Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

Po'unde-unde 119:4

Omiumo anu mohaweo luwuno parenta-Miu, kai inini tementee ntu'u.

Peluarakoa 1:7

To isaraeli mpe'ana ue ka nahi pinokodoa hadiodo. Ondae ntetiangi hadio ka tedoa mokongkongiri donte'ule, onaemo wita atuu bukeako ondae.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Yesaya 3:10

Pauako iramo mia mentee, moiko ntu'u teweweudo a lembuiano, hangano ira mpongkaa hasilino inanggado.

Yeremia 42:6

Moiko ke maupo mosa'o, kami mperorongeakono pau-Do i Ue, Ue Alato, anu ndi Ondae kimentenako, ka imoiko teweweumami tewala kimperorongeakono pau-Do i Ue, Ue Alato.”

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

WINEWEUDO TINENA 7:17

Sine korangku-rangkuno ihiiano dandi anu Doweeakono Ue Ala i Burahima, koteti-tetiangino hadiodo tongku atuu i wita Masiri,

Winali 11:9

ka imelai tinuwumiu i wita anu dinandi-Do i Ue saru sumpa ndi ondae uempu'umiu ka Doweeako ira ka a inuledo, asa wita anu hadio ntu'u susu ka siu hoanino.

Winali 26:15

Ipensiroiomo inso a mpo'ianga-Miu anu mempori, i laro nsuruga, ka Ironso iramo bawaa-Miu Isaraeli, ka wita anu Iweekamimo, kana anu Idandiomo saru sumpa ndi ondae uempu'u mami, asa wita anu hadio ntu'u susu ka siu hoanino.”

Winali 26:9

Dowawa kami a mpo'ianga andio, ka Doweeakami wita andio, asa wita anu hadio ntu'u susu ka siu hoanino.

Winali 27:3

Ka i'amba a watu atuu asalakono imeburio luwuno pauno songka Taura andio, umarimiu mensaki komiu mpewinso a wita anu Doweeakomiu i Ue, Ue Alamiu, asa wita anu hadio ntu'u susu ka siu hoanino, kana anu Dodandiakomiu i Ue, Ue Alado uempu'umiu.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 4:6

Impetenunumo meweweuo atuu, hangano onaemo atuu anu ta gagi ponto'orimiu ka mpopewowolo a pongkitado luwuno tongku. Tewala rumongeo luwuno pompakosi andio ira mpotae, ”Lano tongku anu langkai andio, ondaemo bawaa anu mponto'orimiu ka mpopewowolo”

Winali 8:8

aasa wita saru gandu ka jelaino, saru keu anggoro, keu ara ka keu delima; aasa wita saru keu saitu ka siu hoanino;