Winali 4:9 - Wunta Mempori

⁹ Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 4:9 Iomraidhean Croise

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 71:18

hawe mbo'u tempono kumota'u ka mopute wuuku, oo Ue Ala, si binta aku, ka kupaleleo moroso-Miu a luwuno inule anu ta hawe, moroso

Peluarakoa 10:2

ka omue tumutuluako ira ana uemu, kana'umpe kupemae-maeako ira to Masiri ka petondoni hapa anu kinohali-haliako Kupopokitaako ira ndi ondae, nde ka imento'orio koa, nine Ongkuemo Ue.”

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Powadi 1:8

Hei anaku, rongeomo pompaguruno amamu, ka si pebungkuio pompaguruno inemu,

Powadi 23:26

Hei anaku, weeakunemo aroamu, po'ineeomo matamu sanaakono luwuno pesalaaku.

Powadi 3:21

Hei anaku, pontimbanga ka pande mosongka si olai inso a matamu, pekariaomo atuu,

Powadi 7:1

Hei anaku, pe'inimo a mpauku, ka naaomo parentaku i laro aroamu.

Yesaya 38:19

Sine mia anu tuwu, oo butu koa mia tuwu anu moko'unde-unde komiu, kana ongkue oleo ndio; petenunu-Miu ipauakono ama a luwuno anano.

Yesaya 42:20

Hadio anu kinitamu, sine nahi upekokoongakono, uta'oo birimu, sine nahi poronge.

Yeremia 17:21

Kanandiomo pau-Do i Ue: Tangkoroomo penaamu! Si mponteo parewa a oleo Saba ke mewawao telalo a luwuno pewowa langkaino Yerusale!

I LUKASI 8:18

Onaemo pu'uno, impepentiio kana'umpe porongemiu. Hangano isema anu hinao, ndi onae ta pinowee, sine isema anu nahina, inso ndi onae ta inala, maupo mbo'u anu potaeno hinao ndi onae.”

EPESU 6:4

Ka omiu, luwuno ama, si mpokontekuda ira anamiu, sine imempaguru iramo a pompaguru ka patudu-Do i Ue.

Winali 11:19

Asalakono imempaguruako ira anamiu saru mempopauo ba impentoro i rahamiu ka ba kontongaamiu pelempa, ba mpepombole komiu ka ba impewangu.

Winali 12:1

”Ndiomo pompakosi ka atora anu asalakono impetenunu meweweuo i wita anu Doweeakomiu i Ue, Ue Alado uempu'umiu kai mpe'ueo, asa ntinuwumiu i wawontolino i wita atuu.

Winali 16:3

Si mpokaa hapa anu meragi saru onae. I larono opitu oleo omiu asalakono kai mpokaa roti nahi peragi, roti marasaia atuu, hangano mpodadusi komiu impeluarako inso i wita Masiri. Bakanatuu, asa ntinuwumiu komiu nterorambe ia oleo peluarakoamiu inso i wita Masiri.

Winali 17:19

Wunta atuu asalakono kongko i horino ka asalakono ibasao asa ntinuwuno, kai pepaguru doitoako Ira i Ue, Ue Alano, me'ini a luwuno songka ka pompakosi andio, kai weweuo.

Winali 29:29

Mongkona anu tewuni onaemo tia-Do i Ue, Ue Alato, sine mongkona anu pinokomengkaa onaemo tiato ka inuleto hawe nahina tampulaano, ka tomeweweuo luwuno pauno songka Taura andio.”

Winali 31:19

Kanandio-andio, buriomo penani andio ka paguruako ira to Isaraeli. Naao a laro ngangado kai penani andio gagi sakosii-Ku a nto Isaraeli.

Winali 32:46

ipotaeako ira, ”Impekokoongakonomo luwuno pau anu kupopoto'oriakomiu a oleo andio, kai parenta ira luwuno anamiu ka dompetenunu meweweuo luwuno pauno songka Taura andio.

Winali 4:10

Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”

Winali 4:15

Nahi mpokita hapamokoa i oleo Dopepau i Ue ndi omiu i Torukuno Hore inso a ntonga-tongano api. Onaemo pu'uno, imedagaio ntu'u koroimiu,

Winali 4:23

Impope'inandaimo, kasi mengkolupeo pedandia-Do iUe, Ue Alamiu anu wineweu-Do saru omiu, ka impoweweu tinaha kana hapamo koa anu inonto-Do i Ue, Ue Alamiu.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Winali 6:20

Tewala lembuino anamiu mpesikeno ndi omiu, ”Hapa pengkonaano pepopoto'ori, pompakosi, ka atora anu Doparentaa komiu i Ue, Ue Alato?”

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

Winali 8:11

Impope'inandaimo, si mengkolupe Ira i Ue, Ue Alamiu, saru nahi mpe'ini a parenta ka atora ka pompakosi-Do, anu kupohaweakomiu a oleo andio;

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

IBARANI 2:1

Onaemo pu'uno asalakono tompenootio ntu'u hapa anu tomerongeomo, ka si tomemolomo iwawa kita solo.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

YAKOBU 2:22

Imengkitao, nine pompe'ala-ala mo'angga meronga saru luwuno wineweu ka hangano luwuno wineweu atuu pompe'ala-ala gagi soompo ntu'u.

Yosua 1:18

Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”

Yosua 23:11

Kongkomo impetenunu mehohawa Ira Ondae i Ue, Ue Alamiu!

Yosua 4:21

Motae i Yosua a nto Isaraeli, ”Ba mpesikeno ira ana miu te'ipua hapa pengkonaano watu andiodo?

MENGKAAA 3:3

Onaemo pu'uno pewowoloomo, ba kana'umpe utarimaomo ka rumongeo; tondaomo atuu ka tepidimo! Hangano tewala nahi upedaga-dagai, Aku hawe kana mia monako ka nahi uto'orio a tempo isuake Kumansa hawe ndi omue.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.

Puu Mpobitara 8:34

To Isaraeli nami dompewowolo Ira i Ue, Ue Alado, anu motola ira inso a ngkaedo luwuno iwali pehori-horido.