Winali 4:7 - Wunta Mempori

⁷ Hangano, tongku langkai isuake anu hinao ue alano anu kanandio umpeda ndi onae kana Ondae i Ue, Ue Alato, sompo tempo tompebooli ndi Ondae?

Winali 4:7 Iomraidhean Croise

2 Samueli 7:23

Isema kana bawaa-Miu Isaraeli, asa tongku i tolino, anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ndi ondae, ka sumaari ira luwuno tongku ka pinesombaido anu susua inso i arodo bawaa-Miu anu tinolosi-Miumo inso i Masiri.

Po'unde-unde 145:18

Ondae i Ue umpeda a sompo mia anu mebooli ndi Ondae, a sompo mia anu metenunu mebooli ndi Ondae.

Po'unde-unde 147:20

Nahi Dopoweweu kanandio a luwuno tongku, ka luwuno songka-Do nahi domento'orio. Haleluya!

Po'unde-unde 148:14

Dopokomantandeomo tandu rosono bawaa-Do, gagi po'unde-undedo luwuno mia anu pinehohawa-Do, tiado to Isaraeli, bawaa anu umpeda ndi Ondae. Haleluya!

Po'unde-unde 34:17

rupa-Do i Ue umewai ira mia anu mpoweweu mosa'o ka mokotampulao rambeado inso i wawontolino.

Po'unde-unde 34:18

Luwuno mia mentee mpeboo-booli, ka Dorongeo i Ue, Dopotola ira inso a pompema'isodo.

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Po'unde-unde 73:28

Sine ongkue, ineheku umpeda ndi Ondae Ue Ala; Ondae Ue Ala kupakosio gagi pepekaduduiaku, ka kupokotutuluo luwuno inangga-Do.

Po'unde-unde 85:9

Aku rumongeo hapa anu Ira pauo Ue Ala, mentee ntu'u, Ondae i Ue Ira mepau mongkona manangai a bawaa-Do ka a luwuno mia anu pinehohawa-Do, ka si dompepokule a benge-bengea.

Yesaya 43:4

Hangano omue mentudu ka maramba a pongkita-Ku ka Kupehohawako, onaemo ka Kupeweengakono mia gagi eumu, ka luwuno tongku gagi euno penaamu.

Yesaya 55:6

Ungke Iramo i Ue tempono da inehe-Do totepohaweako Ira; peboolimo ndi Ondae tempono da umpeda Ira!

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

Podoaa 23:9

Hangano inso a punsuno luwuno torukuno watu kupensiroi ira, inso a luwuno pongku wita kukita ira. Kitao, asa tongku anu tuwu asa-asano ka nahi behe dinoa i olono luwuno tongku mpelahumoa.

WINEWEUDO TINENA 17:27

ka dome'ungke Ira ka ba dompoko'angga Ira ka tepohaweako Ira, maupo nahi Do'olai inso ndi ontae sompo mia.

Winali 26:19

Kanandiomo Ira tumande komiu i wawono luwuno tongku anu pinokogagi-Do, ka igagi inunde-unde, tepalele nee ka pinelangkai. Komiu megagi bawaa anu mempori tia-Do i Ue, Ue Alamiu, kana anu dinandi-Do.

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”

Winali 4:32

Kanandio-andio impo'arahakomo mpesikeno mongkona tuwua nse'elu, anu hina se'eluno omiu, mompu'u Dopokogagio Ue Ala mia i wawontolino. Pesikenoakono inso i tompano langi ka hawe i tompano langi: Nde horio gagike mongkona anu langkai kanandio, horio terongeke aasa kanatuu?

Winali 5:26

Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!