Winali 4:12 - Wunta Mempori

¹² Ka Do'amba i Ue mepau ndi ongkue inso a ntonga-tongano api. Suara anu mepau imerongeo, sine nahina rupa anu kinitamiu; butu hinao suara.

Winali 4:12 Iomraidhean Croise

Peluarakoa 19:9

Mepau Iramo i Ue ndi Musa, ”Onaemo pu'uno, Aku aiwa ndi omue a laro nseru anu mokapa, ka domerongeo tongku atuu ba Kupepau ndi omue, ka inso i ra'ai iramo mpe'ala-alako mpiha.” Tempono i Musa pauako Ira i Ue paudo tongku atuu,

Peluarakoa 20:22

Mepau Iramo i Ue ndi Musa, ”Kanandiomo pauako ira to Isaraeli: Imensakosiiomo, nine Ongkue mepau ndi omiu inso i langi.

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 40:18

Gagi, saru isema komiu mpongkenaako Ira Ue Ala ka hapa anu komiu pokompengkenaako Ira?

Yesaya 40:3

Hinao suara anu meboo-booli, ”Patindaomo i pada one pesalaa-Do i Ue, pokoleoomo a mpada malua sala langkai pesalaa-Do Ue Alato!

Yesaya 40:6

Hinao suara anu mepau, ”Peboolimo!” Sangkiku, ”Hapake anu asalakono kupebooliako?” ”Luwuno mia kana ewo ka luwuno momoikono kana bunga a mpada.

Podoaa 12:8

Tepo'aro rupa Kupepau saru onae, nahina mo'oloti, komba mesingguru ka ikitao rupa-Do i Ue. Tembio ke nahi imedoito tumatao tetenaa-Ku i Musa?”

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I MATIU 3:3

Menteeano onaemo anu tinoono nabi Yesaya tempono ipotae, ”Hinao suarano mia anu meboo-booli i pada one: Patindao sala tia-Do i Ue, pokomoleoako Ira sala-Do.”

Winali 10:4

Awatu atuu Doburio i Ue Songka Hopulu mengkena kana burino anu amba-ambano, anu Dopauomo ndi omiu i wawo ntorukuno inso i tonga-tongano api a oleo pepumpuamiu. Umarino atuu Dopeweengakono i Ue ndi ongkue.

Winali 4:11

Omiu mbo'u mperangkuhako ka mpentade a mpu'uno torukuno atuu, kontongaano torukuno atuu melanga hawe a mpuheno langi a laro wongi mpusu, seru, ka wongi-wongiano.

Winali 4:13

Dopauakomiu pedandia anu Doparentaa komiu kai wineweu, kana Songka Hopulu, ka Doburio a orua watu buriano songka.

Winali 4:15

Nahi mpokita hapamokoa i oleo Dopepau i Ue ndi omiu i Torukuno Hore inso a ntonga-tongano api. Onaemo pu'uno, imedagaio ntu'u koroimiu,

Winali 4:33

Horiokoake aasa tongku moronge suarano ue ala anu mepau inso a ntonga-tongano api, kana anu rinongemiu ka kongko tuwu?

Winali 4:36

Inso i langi Dopoporongeo pau-Do ndi omiu anu paguru komiu; i tolino Dopopokitao ndi omiu api-Do anu langkai, ka pinau-Do imerongeo inso a ntonga-tongano api.

Winali 5:22

Pau atuumo anu pinau-Do i Ue saru pau meroku i torukuno a luwuno bawaamiu, inso a ntonga-tongano api, seru ka wongi-wongia. Nahi Dotiangiakono maupo hapa mbo'u. Ka Do'amba burio a orua watu buriano songka ka Dopeweengakono ndi ongkue.”

Winali 5:4

Ondae i Ue mepau saru omiu tepo'aro rupa i torukuno inso a ntonga-tongano api.

Winali 9:10

Dowee aku i Ue orua watu, anu binuriako toniso-Do Ue Ala, me'ihiako luwuno pau anu pinau-Do i Ue ndi omiu i torukuno atuu inso i tonga-tongano api, a oleo tempono impepumpu.

KOLOSE 1:15

Ondaemo gambara-Do Ue Ala anu nahi tengkita, anu amba-ambano, lalua Irapo sekono luwuno anu pinokogagi,

IBARANI 12:19

a unino tawuwua ka unino suara anu weweu ira anu merongeo mpo'ema, ka siimo mbo'u domempinepauako,