Winali 4:1 - Wunta Mempori

¹ ”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:1 Iomraidhean Croise

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Po'unde-unde 119:4

Omiumo anu mohaweo luwuno parenta-Miu, kai inini tementee ntu'u.

Peluarakoa 18:20

paguruako ira luwuno pompakosi ka songka, ka gau ntumuwu ka pauako ira sala ntuwua anu ta tinondado, ka anggaa anu ira me'anggao,

Yeremia 11:6

Mepau Iramo i Ue ndi ongkue, ”Pebooliakonomo luwuno pau andio a luwuno kotano Yehuda ka a luwuno sala i Yerusale: Rongeomo ka weweuomo luwuno pau pedandia andio!

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Yehesikieli 20:11

Kuweeako ira luwuno pompakosi-Ku ka pauako ira luwuno atora-Ku, hangano mia anu weweuo, ta tuwu.

Yehesikieli 20:21

Sine luwuno anado me'ewa ndi Ongkue, nahi domentuwu montonda luwuno pompakosi-Ku, ka nahi dompe'ini a luwuno atora-Ku ka domeweweuo, kahinaano mia anu weweuo ta tuwu. Ondae mbo'u mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae, motiio tekuda-Ku ndi onae i pada one.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Imama 18:5

Mentee ntu'u omiu asalakono mpe'ini a pompakosi-Ku ka atora-Ku. Mia anu weweuo ta tuwu hangano onae. Ongkuemo Ue.

Imama 19:19

Asalakono impe'ini a pompakosi-Ku. Si pompopokombia orua rupa pinotuwu, si mporawo i leremiu orua rupa inii ka si mpopake sangka anu wineweu inso a orua rupa sawuno.

Imama 19:37

Kanandiomo asalakono impe'ini a luwuno pompakosi-Ku da luwuno parenta-Ku saru weweuo luwuno atuu; Ongkuemo Ue.”

Imama 20:8

Asalakono impe'ini a pompakosi-Ku ka imeweweuomo. Ongkuemo Ue anu mokomemporikomiu.

Imama 22:31

Asalakono impe'ini a parenta-Ku ka meweweuomo, Ongkuemo Ue.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

ROMA 10:5

Nde iburio i Musa mongkona menteea hangano songka Taura, ”Mia anu meleluakono, ta tuwuako onae.”

Winali 1:3

A ntanggala aasa wula hopulu ka aasa ta'u pato pulu, i Musa mepau a nto Isaraeli, menunu saru luwuno anu Doparentaakono i Ue ndi onae tiado.

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 11:32

asalakono impetenunu meweweuo luwuno pompakosi ka atora anu kuweeakomiu a oleo andio.

Winali 13:1

Tewala i tonga-tongamiu me'umbaako asa nabi ke puu mpo'ipi, ka ipompauakomiu asa petondoni ke anu kinohali-haliako.

Winali 16:20

Moleoa, butukoa moleoa anu asalakono ime'ungkeo, kai mentuwu ka mpe'ueo wita anu Doweeakomiu i Ue, Ue Alamiu.

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 30:19

Aku moboio langi ka tolino gagi sakosii ndi omiu oleo andio: Kupo'aroakomu tuwua ka matea, ronso ka totonaa. Binikiomo tuwua, ka imentuwumoiko omiu maupo inulemu,

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 4:40

Impe'inimo a pompakosi ka parenta-Do anu kupohaweakomiu a oleo andio, kai moiko tumuwumiu ka inulemiu lembuino, ka kai melai tinuwumiu i wita anu Doweeakomiu iUe, Ue Alamiu ranta nahina tampulaano.”

Winali 4:45

Ndiomo pepopoto'ori, pompakosi, ka atora anu pinohaweno i Musa a nto Isaraeli, a laro pelempaado mpeluarako inso i wita Masiri,

Winali 4:8

Tongku langkai isuake anu hinao pompakosi ka atora moleo kanandio kana luwuno songka andio, anu kupohaweakomiu oleo andio?

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:24

Ondae i Ue parenta kita ka tomeweweuo luwuno pompakosi atuu ka doitoako Ira i Ue, Ue Alato, ka imoiko mpiha tumuwuto ka Dopo'inee kita tuwu, kana oleo andio.

Winali 7:11

Gagi, asalakono impe'ini a parenta, onaemo pompakosi ka atora anu kupohaweakomiu a oleo andio kai wineweu.

Winali 8:1

”Luwuno parenta anu kupohaweakomiu a oleo andio, asalakono impetenunu meweweuo, kai mentuwu ka ntetiangi hadio ka impewinso saru mpetorokio wita anu dinandi-Do i Ue saru sumpa ndi ondae uempu'umiu.

Winali 8:11

Impope'inandaimo, si mengkolupe Ira i Ue, Ue Alamiu, saru nahi mpe'ini a parenta ka atora ka pompakosi-Do, anu kupohaweakomiu a oleo andio;

Winali 9:1

Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Yosua 3:9

Motaeomo i Yosua ia nto Isaraeli, ”Ime'aiwamo te'umpeda ka imerongeo pau-Do i Ue, Alamiu.”