Winali 2:9 - Wunta Mempori

⁹ Ka Do'amba i Ue mepau ndi ongkue, ”Si ewaio Moabi kasi pe'iwaliako ira, hangano nahi Aku moweeakomiu maupo hapa inso a witano gagi pe'ueamiu. Hangano i Ari Kuweeakonomo inuleno i Lo'oti gagi pe'ueano.”

Winali 2:9 Iomraidhean Croise

2 Tawarika 20:10

Kanandio-andio, Ikitaomo inuleno i Amoni ka i Moabi ka luwuno mia inso i mentorukuno Seiri andio! Tempono to Isaraeli me'aiwa inso i wita Mesiri, I'onto ira mpewinsokio witado. Onaemo pu'uno ka dome'olaiakono ka nahi domeropuo.

Po'unde-unde 83:8

Gebali ka Amoni ka Amale, Pelisitea saru palilino Tirusi,

Yesaya 15:1

Pau-Do anu pabawa a nto Moabi. Mentee ntu'u, i larono asa wongi Ari-Moabi sinolangiomo, pinokotampula; mentee ntu'u, i larono asa wongi Kiri-Moabi sinolangiomo, pinokotampula!

Podoaa 21:15

ka apano luwuno lembono. Apano atuu tewile malua te'aro a witano kota Ari, ka mehonda a ntida witado to Moabi.”

Podoaa 21:28

Hangano api meluarako inso i kota Hesiboni, langano api inso a ngkota po'iangano i Sihoni, anu pingko kumaano Ari-Moabi, ondae anu pabawaio luwuno pongku wita asa ngkeu Koro Aranoni.

Podoaa 22:4

Mpotae iramo to Moabi a luwuno mia memota'udo to Midiani, ”Manasa sorodadu hadio atuu ira mepingkoo luwuakoano anu ihorito, kana sapi kumaano luwu ka ipingko anu tuwu molowulu i tonga mpada.” I tempo atuu i Bala anano i Sipori, onae mokole i Moabi.

Winali 2:29

kana anu wineweudo inuleno i Esau ndi ongkue anu mpo'ia i Seiri ka to Moabi anu mpo'ia i Ari, ranta ka kusakio Koro Yarade, lumako a wita anu Dowee kami i Ue, Ue Ala mami.”

Winali 2:5

Si mensapoi ira, hangano nahi Aku moweeakomiu maupo te'asa pele ngkaru inso a witado. Hangano Mentorukuno Seiri Kuweeakonomo i Esau me'ueo.

Puu Mpobitara 11:15

ka pe'oliwino, ”Kanandiomo potaeno i Yepeta: to Isaraeli nahi domerontuo witado to Moabi, ke ba wita inuledo to Amoni.

Puu Mpobitara 11:17

Tempono atuu to Isaraeli mpontena mia lumako a mokole wita Edomi po'emado: I'ehe kami melaloo witamu. Sine, mokole i wita Edomi nahi behe rumongeo. Ondae pontena ira mbo'u mia lumako a mokole wita Moabi, sine onae mbo'u nahi behe, ranta ka to Isaraeli mpo'ia i Kadesi.

Puu Mpobitara 11:18

Ka do'amba mpelempa melaloo pada one, tumanggolilio wita Edomi ka wita Moabi, hawe i sabaano oleo wita Moabi. Mpekema ira i asatowano koro Aranoni, sine nahi dompewinso a witado to Moabi, hangano Koro Aranoni onaemo tidano wita Moabi.